Dance India Dance Little Masters : गानसम्राज्ञी भारतरत्न लता मंगेशकर (Lata Mangeshkar) यांनी  6 फेब्रुवारी रोजी वयाच्या 93व्या वर्षी अखेरचा श्वास घेतला. लतादीदींना अखेरचा निरोप देण्यासाठी शिवाजी पार्क परिसरात हजारोंचा जनसागर लोटला होता. चित्रपटसृष्टीतील अनेक कलाकारांनी लता दीदींना श्रद्धांजली वाहिली. लता दीदींची बहीण आशा भोसले (Asha Bhosle) आजही त्यांच्या आठवणीत भावूक होतात. नुकतीच डान्स इंडिया डान्स लिटिल मास्टर (Dance India Dance Little Masters) या शोमध्ये आशा भोसले यांनी हजेरी लावली होती. या शोमध्ये त्या  लता दीदींची आठवण आल्यानं भावूक झाला. या शोमधील आशा यांचा एक व्हिडीओ सध्या सोशल मीडियावर व्हायरल होत आहे. 
 
डान्स इंडिया डान्स लिटिल मास्टर कार्यक्रमामधील दोन स्पर्धक हे आशा भोसले यांच्यासाठी खास परफॉर्मन्स करतात. ते पाहून आशा भोसले यांच्यासोबत कार्यक्रमाचे परिक्षक  आणि अभिनेत्री मौनी रॉयला देखील अश्रू अनावर झाले. त्या स्पर्धकांचा  परफॉर्मन्स पाहिल्यानंतर आशा भोसले म्हणाल्या, दीदी आजही   माझ्यासोबत आहे. 






डान्स इंडिया डान्स लिटिल मास्टर या कार्यक्रमाचे मौनी रॉय, सोनाली बेंद्रे आणि रेमो डिसूझा हे परिक्षक आहेत. सध्या या शोमधील स्पर्धकांच्या नृत्याला प्रेक्षकांची पसंती मिळत आहे. 


संबंधित बातम्या