Pyaar Ka Pehla Adhyay: Shiv Shakti: छोट्या पडद्यावरील लोकप्रिय अभिनेता अर्जुन बिजलानी (Arjun Bijlani) हा एका नव्या मालिकेमधून प्रेक्षकांच्या भेटीस येणार आहे. 'प्यार का पहला अध्याय: शिव शक्ती' (Pyaar Ka Pehla Adhyay: Shiv Shakti) असं या मालिकेचं नाव आहे. 'प्यार का पहला अध्याय: शिव शक्ती'मालिकेच्या शूटिंगसाठी अर्जुन हा बनारसला गेला आहे. नुकताच अर्जुननं 'प्यार का पहला अध्याय: शिव शक्ती' या मालिकेचा प्रोमो सोशल मीडियावर शेअर केला आहे. या प्रोमोनं अनेकांचे लक्ष वेधले आहे.
अर्जुन बिजलानीनं (Arjun Bijlani) इन्स्टाग्रामवर 'प्यार का पहला अध्याय: शिव शक्ती' या मालिकेचा प्रोमो सोशल मीडियावर शेअर केला आहे. या प्रोमो अभिनेत्री निक्की शर्मा देखील दिसत आहे. या मालिकेत निक्की शक्ती ही भूमिका साकारत आहे तर अर्जुन हा शिव ही भूमिका साकारत आहे. ही मालिका 3 जुलै रोजी रात्री 7.30 वाजता प्रेक्षकांच्या भेटीस येणार आहे.
पाहा प्रोमो:
अनेक सेलिब्रिटींनी तसेच नेटकऱ्यांनी अर्जुननं शेअर केलेल्या 'प्यार का पहला अध्याय: शिव शक्ती' या मालिकेचा प्रोमोला कमेंट करुन या नव्या मालिकेसाठी त्याला शुभेच्छा दिल्या आहेत.
अर्जुननं 'प्यार का पहला अध्याय: शिव शक्ती' या मालिकेच्या शूटिंगदरम्यानचे फोटो सोशल मीडियावर शेअर केले होते. लेफ्ट राईट लेफ्ट, मिली जब हम तुम, मेरी आशिकी तुम से ही, नागिन, कवच, परदेस में है मेरा दिल, इश्क में मरजावान आणि रुहानियत यांसारख्या मालिकांमध्ये अर्जुननं काम केलं आहे. तसेच तो रॉकी आणि रानी की प्रेम कहानी या आगामी चित्रपटामधून देखील प्रेक्षकांच्या भेटीस येणार आहे, असंही म्हटलं जात आहे. आता अर्जुनच्या प्यार का पहला अध्याय: शिव शक्ती' या मालिकेची प्रेक्षक उत्सुकतेने वाट बघत आहेत.