Kishwer Merchant On Pregnancy At 40 : आई होणं म्हणजे प्रत्येक महिलेचा पुर्नजन्म माना जातो. अनेक महिला मातृत्वाचा घेण्यासाठी आयव्हीएफ, सरोगसी सारखे विविध पर्याय अवलंबतात. अनेक वेळा वय झाल्यानंतर महिलांना गरोदर होण्यात अडचणी येतात. त्यातच वयाच्या चाळीशीनंतर प्रेग्नेन्सी म्हणजे जवळजवळ अशक्यच म्हणावं लागेल. पण, एका अभिनेत्रीच्या आयुष्यात हा चमत्कार घडला. ही अभिनेत्री अचानक वयाच्या चाळीशीमध्ये गरोदर राहिली.
अभिनेत्री वयाच्या चाळीशीमध्ये गरोदर
मालिका विश्वातील प्रसिद्ध नाव किश्वर मर्चंट सध्या छोट्या पडद्यापासून दूर आहे, पण ती सोशल मीडियावर सक्रिय असून चाहत्यांना तिच्या आयुष्याबद्दल अपडेट देत असते. अभिनेत्री किश्वर मर्चंट सध्या टीव्ही इंडस्ट्रीपासून दूर आहे, पण ती सोशल मीडियाच्या माध्यमातून तिच्या चाहत्यांशी संवाद साधण्याची एकही संधी सोडत नाही. ती सोशल मीडियाच्या माध्यमातून तिच्या वैयक्तिक आयुष्याशी संबंधित अपडेट्स शेअर करताना दिसत आहे.
अचानक मिळाली प्रेग्नेन्सीची माहिती
अभिनेत्री किश्वर मर्चट वयाच्या 40 व्या वर्षी अचानक गरोदर राहिली. वयाच्या चाळीशीमध्ये गरोदर राहण्यासाठी आणि गरोदर राहिल्यानंतर तिला ज्या अडचणींचा सामना करावा लागला त्यावर तिने सविस्तरपणे चर्चा केली. अलीकडेच, किश्वर मर्चंटने देबिना बॅनर्जीच्या शोमध्ये सहभागी झाली होती आणि येथे तिने वयाच्या 40 व्या वर्षी गर्भधारणा तिची कशी झाली याबद्दल तिने सांगितलं आहे. किश्वर मर्चटने यावेळी सांगितलं की "मला माहित आहे की, वयाच्या 40 व्या वर्षी अचानक प्रेग्नेंट होणं प्रत्येकासाठी सोपं नसतं. पण जेव्हा मी गरोदर राहिली तेव्हा ते अचानकपणे झालं."
गोड बातमी कळताच बसला मोठा धक्का
किश्वर मर्चंटने पुढे सांगितलं की, "दोन महिने मला थोडं अशक्त वाटू लागलं आणि मग मी खूप खाऊ लागले. मला हे देखील माहित नव्हतं की, मी प्रेग्नंट आहे आणि मला काही समजत नव्हतं. मग एक दिवस मी सुयशला सांगितलं की, तू प्रेग्नेंसी स्ट्रिप्स घेऊन ये आणि त्याने ते आणलं मग त्याचा रिझल्ड पॉझिटिव्ह आला."
किश्वर म्हणाली, "मला स्वतःला धक्का बसला होता आणि हे सर्व कधी झालं, मला कळलंच नाही. सुयशला हे कसं सांगावं हे मला समजत नव्हतं. पण नंतर आम्ही डॉक्टरांकडे गेलो आणि मला कळलं की, मी 2 महिन्यांची गर्भवती आहे. तेव्हा मी खूप घाबरली होती, तेव्हा कोविडचा काळ सुरु होता".
"अचानक माझ्या मनात अनेक गोष्टी येऊ लागल्या"
किश्वर मर्चंट म्हणाली, "अचानक माझ्या मनात अनेक गोष्टी येऊ लागल्या. पण नंतर मी स्वतःला समजावलं आणि दुसऱ्या दिवशी सकाळी याचा आनंद साजरा केला. लग्नाच्या 6 वर्षानंतर मी प्रेग्नेंट झाली. फक्त एक आठवड्यापूर्वी मला माझ्या आईने मला मूल होण्याचा विचार करण्यास सांगितलं होतं आणि त्याच्या पुढच्या आठवड्यात मला मी गरोदर असल्याचं कळलं, हे सर्व खूप अचानकपणे घडलं".
महत्त्वाच्या इतर बातम्या :