Bigg Boss Marathi New Season Day 39 : बिग बॉस मराठी पाचवा सीझन सध्या चांगलाच चर्चेत आहे. पहिल्या दिवसापासून यंदाच्या सीझनमध्ये सदस्यांचा जोरदार कल्ला पाहायला मिळत आहे. घरातील स्पर्धकांमध्ये दिवसेंदिवस वाद वाढतच चालला आहे. आता आजच्या भागात काय घडणार हे जाणून घेण्याची प्रेक्षकांना उत्सुकता आहे. बिग बॉसच्या घरात निक्की आणि जान्हवी यांच्यात आज कडाक्याचं भांडण पाहायला मिळणार आहे.
निक्कीवर भडकली जान्हवी
बिग बॉसच्या घरात (Bigg Boss Marathi) निक्की (Nikki Tamboli) घरातील कोणत्याही कामांना हात लावण्यास तयार नसल्याचं सध्या पाहायला मिळत आहे. वर्षाताईंची (Varsha Usgaonket) कॅप्टन्सी सुरु झाल्यापासून निक्कीने घरातील कामं करण्यास नकार दिला आहे. निक्कीला फक्त जेवणाची ड्युटी हवी आहे, त्याव्यतिरिक्त इतर कामं करण्यास तिने नकार दिला आहे. यामुळे तिच्यात आणी घरातील इतर सदस्यांमध्ये वाद सुरु असल्याचं दिसून येत आहे. याच मुद्द्यावरूनबिग बॉस मराठीच्या घरात आज भांड्याला भांडं लागणार आहे. निक्की आणि जान्हवीमध्ये जेवण बनवण्यावरून मोठा वाद होणार आहे.
निक्की आणि जान्हवीमध्ये जेवणावरुन वाद
तुला थोडी तरी लाज असेल तर…
निक्कीने घरातील ड्युटी करण्यास नकार दिला आहे. त्यामुळे संपूर्ण घरालाच तिचा प्रचंड राग आलेला आहे. बिग बॉस मराठीच्या समोर आलेल्या प्रोमोमध्ये जान्हवी निक्कीला म्हणत आहे, बनव स्वत:च्या हाताने आणि गिळ. प्रोमोमध्ये जान्हवी निक्कीला म्हणत आहे, 'तुला थोडी तरी लाज वाटत असेल तर मी जेवण बनवलेलं तू जेवणार नाहीस.' तर निक्की म्हणत आहे, 'माझ्या वाकड्यात गेलं तर मी त्याचा गळा पकडत'. निक्की आणि जान्हवी आज काय धुमाकूळ घालणार याकडे आता सर्वांचं लक्ष लागलं आहे. त्यामुळे आजचा भाग पाहायला अजिबात विसरू नका.
बीबी करंसीसाठी रंगणार टास्क
महत्त्वाच्या इतर बातम्या :