Abhijit Bichukale : मराठी बिग बॉस तसेच हिंदी बिग बॉसच्या 15 व्या  (Bigg Boss 15) सिझनमुळे अभिजीत बिचुकलेला (Abhijit Bichukale) विशेष लोकप्रियता मिळाली. बिग बॉस-15 या शोमधून बाहेर पडल्यानंतर अभिजीत बिचुकलेनं अनेक वक्तव्य केली. अभिनेता सलमान खानबद्दल देखील त्यानं वक्तव्य केलं होतं. नुकतच अभिजीतनं एक ट्वीट केलं आहे. या ट्वीटमध्ये त्यानं अभिनेता करण कुंद्राला  (karan Kundrra) एका कमाची ऑफर दिली आहे. 


अभिजीतनं ट्वीटमध्ये लिहिलं, 'प्रतिक, शमिता, तेजस्वी आणि उमर हे सर्व चांगले कलाकार सध्या बिजी आहेत. करण कुंद्रा मी तुला 150 रूपये देतो तू पेढ्यांच्या जाहिरातीमध्ये काम करशीला का?'अभिजीतच्या या ट्वीटची चर्चा सध्या सोशल मीडियावर होत आहे. 






करण कुंद्रा लवकरच एका म्यूझिक व्हिडीओमधून प्रेक्षकांच्या भेटीस येणार आहे. या म्यूझिक व्हिडीओमध्ये गायिका अकासा देखील असणार आहे. या व्हिडीओचे शूटिंग सध्या गोव्यामध्ये सुरू आहे. शूटिंग दरम्यानचे फोटो करणनं सोशल मीडियावर शेअर केले होते. 'कितनी मोहब्बत है'  ‘जरा नचके देखा’, ‘बेताब दिल की तमन्ना’ यांसारख्या अनेक मालिकांमध्ये करणनं प्रमुख भूमिका साकारली. त्याने काही रिअॅलिटी शो देखील होस्ट केले आहेत. करणने ‘रोडीज’ या शोचे परिक्षण केले आहे. तसेच त्याने अनुषा दांडेकरसोबत ‘लव्ह स्कूल’ हा शो होस्ट केला.


महत्वाच्या बातम्या :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha