Abhijeet Sawant Video : गायक अभिजीत सावंतने ऐन दिवाळीच चाहत्यांसोबत गूड न्यूज शेअर केली आहे. अभिजीत सावंतच्या गोड बातमीनंतर चाहत्यांनी सुटकेचा नि:श्वास सोडला आहे. इंडियन आयडलच्या पहिल्या सीझनचा विजेता अभिजीत सावंत यंदा बिग बॉस मराठीच्या पाचव्या पर्वात सहभागी झाला होता. बिग बॉस मराठी 5 मध्ये अभिजीत सावंत पहिला रनअप ठरला. यंदाच्या बिग बॉसच्या पर्वात अभिजीत सावंतची खूप चर्चा झाली. अभिजीतला महाराष्ट्राने भरपूर प्रेम दिलं. आता अभिजीतने गोड बातमी दिली आहे.
अभिजीत सावंतने ऐन दिवाळीत चाहत्यांना दिली गोड बातमी
अभिजीत सावंत (Singer Abhijeet Sawant) सोशल मीडियावर प्रचंड सक्रिय असतो. बिग बॉसच्या घरातून बाहेर आल्यानंतरही तो चाहत्यांसोबत प्रत्येक अपडेट शेअर करत असतो. आता त्याने चाहत्यांना गोड बातमी देत दिलासा दिला आहे. अभिजीत सावंतने बायकोसोबतचा व्हिडीओ शेअर करत ही गूड न्यूज दिली आहे. बिग बॉसच्या घरात अभिजीत सावंतला दुखापत झाली होती. दुखापतीसंदर्भात अपडेट चाहत्यांसोबत शेअर करत चाहत्यांना खूश केलं आहे.
पत्नीसोबतचा व्हिडीओ शेअर करत म्हणाला...
बिग बॉस मराठी पाचव्या पर्वात सामील झाला होता. बिग बॉस मराठीच्या घरात टास्कदरम्यान अभिजीत सावंतला दुखापत झाली होती. अभिजीत सावंतच्या हाताला दुखापत झाली. बिग बॉसच्या घरात असतानाही त्याच्या हाताला प्लास्टर होतं. आता बिग बॉसच्या घरातून बाहेर आल्यावरही अभिजीतच्या हाताला प्लास्टर होतं. त्यामुळे चाहतेही चिंतेत होते. आता अभिजीतने दिलेल्या अपडेटनंतर चाहत्यांनाही दिलासा मिळाला आहे.
अभिजीत सावंतने चाहत्यांसोबत शेअर केली गूड न्यूज
अभिजीत सावंतने हा व्हिडीओ पोस्ट करत कॅप्शनमध्ये लिहिलं आहे, "बिग बॉसच्या घरात असल्यापासून सांभाळून ठेवलेली ही बंदूक अखेर माझ्या हातातून काढून टाकलेली आहे. दुखापत आता ठीक आहे, हळूहळू बरी होतेय. आता ही दिवाळी हॅप्पी आहे". डॉक्टरकडे जाताना अभिजीत सावंतसोबत त्याची पत्नीही होती, तिने ही सर्व घटना कॅमेऱ्यात चित्रीत केली आणि अभिजीतने पत्नीसोबतचा हा व्हिडीओ सोशल मीडियावर शेअर केला. अभिजीत सावंतची दिवाळी गोड आणि हॅप्पी झालेली पाहून चाहत्यांनीही नि:श्वास सोडला आहे.
चाहत्यांनी सोडला सुटकेचा नि:श्वास
महत्त्वाच्या इतर बातम्या :