Bigg Boss Marathi New Season : बिग बॉस मराठीच्या घरात हा आठवडा फारच रोमांचक ठरला. या आठवड्यात बरीच समीकरणं नव्याने जुळताना पाहायला मिळालं. एकीकडे अभिजीतमुळे निक्की आणि अरबाजमध्ये भांडण झालं. तर दुसरीकडे नॉमिनेशन टास्कमध्ये आर्या आणि अभिजीतमध्ये बाचाबाची झाली. त्यावरुन त्यांच्यात पुन्हा वाद झाला. यानंतर अभिजीतला आर्या खटकत असल्याचं दिसत आहे. याचा प्रत्यय पुन्हा एकदा रॅपिड फायर राऊंडमध्ये आला आहे. टीम B मधून आर्याला काढून इरिनाला घेण्याची इच्छा अभिजीतने बोलून दाखवल्याने तो चांगलाच अडचणीत सापडणार असल्याचं दिसत आहे.
दुर्गाच्या रॅपिड फायरमध्ये अडकणार अभिजीत सावंत
बिग बॉस मराठी (Bigg Boss Marathi) भाऊच्या धक्क्यावर (Bhaucha Dhakka) आज 'कलर्स मराठी' वाहिनीवरील आगामी 'दुर्गा' या मालिकेची टीम हजेरी लावणार आहे. 'दुर्गा' मालिकेतील दुर्गा सदस्यांसोबत रॅपिड फायर खेळताना दिसणार आहे. आजच्या भाऊच्या धक्क्याचा प्रोमो आऊट झाला असून यामध्ये सदस्य दुर्गाच्या फायर प्रश्नांची उत्तरं देताना दिसत आहेत. बिग बॉस मराठीच्या आजच्या भागात दुर्गा घरातील सदस्यांसोबत रॅपिड फायर खेळते, यावेळी विचारलेल्या प्रश्नांची उत्तरं देताना अभिजीतची पंचाईत होणार आहे, हे प्रोमोमधून स्पष्ट होत आहे.
आर्याला काढून इरिनाला टीम B मध्ये घेण्याची अभिजीतची इच्छा
रॅपिड फायरमध्ये दुर्गा अभिजीत सावंतला विचारते,"टीम B मधून एका सदस्याला काढून टीम A मधल्या एका सदस्याला घ्यायचं असेल तर कोणाला काढाल आणि कोणाला घ्याल?". यावर अभिजीत आर्याला काढून इरिनाला घेईल असं उत्तर देतो. "या क्षणाला सगळ्यात जास्त कोणाची आठवण येते?", याचं उत्तर देत अभिजीत म्हणतो,"सर्वात जास्त घराची आठवण येते". अंकिता आणि निक्कीमध्ये सर्वोत्कृष्ट कॅप्टन कोण? यावर अभिजीत अंकिताचं नाव घेतो. तर अभिजीतच्या मते टॉप 3 सदस्य हे निक्की, अंकिता आणि अरबाज हे आहेत.
'हे' सदस्य घराबाहेर जाण्यासाठी नॉमिनेट आहेत
या आठवड्यात बिग बॉस मराठीच्या घराबाहेर जाण्यासाठी चार सदस्य नॉमिनेट आहेत. अभिजीत सावंत, आर्या जाधव, वैभव चव्हाण आणि इरिना रुडाकोवा हे चार स्पर्धक या आठवड्यात घराबाहेर जाण्यासाठी नॉमिनेट असून यापैकी एका सदस्याचा प्रवास आज संपेल. आज भाऊच्या धक्क्यावर एक सदस्य घराबाहेर पडेल.
महत्त्वाच्या इतर बातम्या :