Bigg Boss Marathi New Season Day 32 : बिग बॉस मराठीच्या घरात बत्तिसावा दिवस सुरु आहे. 'बिग बॉस मराठी'च्या घरातील सदस्यांची रुपे क्षणोक्षणी बदलताना प्रेक्षकांना पाहायला मिळत आहेत. निक्की आणि अभिजीतची जोडी सर्वांचं लक्ष वेधून घेत आहे. 'बिग बॉस'च्या ट्रॉफीवर नाव कोरण्यासाठी सदस्य नवा प्लॅन बनवताना काही दिवसांपासून पाहायला मिळत आहे. आपली खेळी किती उत्तम आहे हे दाखवण्याचा सदस्यांचा प्रयत्न आहे. आता अभिजीत सावंतने 'बिग बॉस'चा नियम मोडला का? असा प्रश्न चाहत्यांना पडला आहे.
निक्की-अभिजीतच्या मैत्रीनं वेधलं लक्ष
बिग बॉस मराठीच्या (Bigg Boss Marathi) घरातील सदस्यांना दिलेल्या जोड्यांमध्येच फिरण्याचा आदेश बिग बॉसने दिला आहे. पण अभिजीत सावंत एकटा फिरत असल्याने सूरज त्याला म्हणतोय, "अभि दादा आत बस". अभिजीतला छोटा पुढारी म्हणतोय, "जोडीशिवाय फिरू शकत नाही". त्यावर अभिजीत म्हणतो, "मला बोलतील बिग बॉस'. त्यावर घन:श्याम म्हणतो, "पण तुम्ही नियम मोडू नका". तर आर्या म्हणते, "तुम्ही तुमचे शब्द बोलताय की निक्कीचे. दोन दिवसांत अभिजीत सावंत पू्र्णपणे बदलला आहे". निक्की अभिजीतला पुढे म्हणते, "मी तुला चार दिवसांत ओळखू शकते तर ते ओळखू शकत नाहीत का?".
मुखवटे उतरणार, घरात खेळाचे नियम तोडले जाणार का?
बिग बॉस मराठीच्या घरात मोठी उलथापालथ
बिग बॉस मराठीच्या घरात दिवसेंदिवस समीकरणं बदलताना दिसत आहेत. गेल्या आठवड्यात खूप मोठी उलथापालथ झाल्यातचं पाहायला मिळत आहे. निक्की आणि अभिजीतची मैत्री सर्वांचं लक्ष वेधून घेत आहे. निक्कीच्या पाऊलावर पाऊल ठेवत आता अभिजीत सावंतने खरचं नियम मोडला आहे का? अभिजीत सावंतला आता बिग बॉस काय शिक्षा देणार? असे अनेक प्रश्न प्रेक्षकांना पडले आहेत. या सर्व प्रेक्षकांची उत्तरे जाणून घेण्यासाठी आजचा भाग नक्की पाहा.
महत्त्वाच्या इतर बातम्या :