Aai Kuthe Kay Karte: आई कुठे काय करते (Aai Kuthe Kay Karte) या मालिकेला प्रेक्षकांची पसंती मिळत आहे. सध्या या मालिकेत सध्या ईशा आणि अनिष यांच्या साखरपुड्याची तयारी सुरु आहे. लवकरच ईशा बोहल्यावर चढणार आहे. 'आई कुठे काय करते' या मालिकेच्या गेल्या एपिसोडमध्ये ईशा आणि देशमुख कुटुंब हे शॉपिंग करताना दिसले. आता आई कुठे काय करते या मालिकेच्या एका प्रोमोमध्ये दिसत आहे की अनिषसाठी घेतलेली अंगठी ही हरवली आहे.
'आई कुठे काय करते' या मालिकेच्या प्रोमोमध्ये दिसत आहे की, ईशा सगळ्यांना विचारते की, 'अनिषसाठी घेतलेली अंगठी कोणी घेतली आहे का? ' त्यानंतर सर्वांना कळते की, ती अंगठी हरवली आहे.
कांचनताई म्हणजेच ईशाची आजी म्हणते, 'अनघा मी तुला सांगत होते, ईशाजवळ अंगठी देऊ नको. आपण लॉकरमध्ये व्यवस्थित ठेवली असती.' त्यानंतर संजना "ईशाला म्हणते, तू निट अंगठी शोधली का? सकाळपासून ती अंगठी तुच घेऊन बसली होती.आपण तुझ्या रुममध्ये शोधू"
ईशा म्हणते, "रुममध्ये नाहीये अंगठी, अनिषला दाखवण्यासाठी मी अंगठी बघत होते, तर ती बॉक्समध्ये नव्हती, सगळीकडे शोधली मी." त्यानंतर सगळ्यांना चिंता वाटते.
ईशाची आजी म्हणते, 'अंगठी नक्की हरवली आहे की तुचं ती लपवली आहेस?' यावर ईशा म्हणते मी असं का करेल आजी?' आता अनिषसाठी घेतलेली अंगठी सापडेल का? या प्रश्नाचं उत्तर प्रेक्षकांना 'आई कुठे काय करते' या मालिकेच्या आगामी एपिसोडमध्ये मिळेल.
आई कुठे काय करते या मालिकेच्या गेल्या एपिसोड दाखवण्यात आलं की, ईशानं साखरपुड्यासाठी शॉपिंग करत आहे.
'आई कुठे काय करते' या मालिकेत अरुंधती ही भूमिका मधुराणी प्रभूलकर या साकरतात तर अनिरुद्ध ही भूमिका मिलिंद गवळी हे साकारतात. तर संजना ही भूमिका अभिनेत्री रूपाली भोसले ही साकारते. आई कुठे काय करते या मालिकेच्या आगामी एपिसोडची प्रेक्षक उत्सुकतेने वाट बघतात.
संबंधित बातम्या