Tabu kissing scene : बॉलिवूडमध्ये अशा अनेक अभिनेत्यांच्या गोष्टी आपण ऐकल्या असतील, ज्यांनी पडद्यावर आपल्यापेक्षा खूपच लहान अभिनेत्रींसोबत रोमँटिक आणि इंटिमेट सीन्स दिले आहेत. अनेकदा असे सीन करताना काही कलाकार नियंत्रण गमावताना देखील दिसले आहेत.  विनोद खन्ना, अमिताभ बच्चन, राजेश खन्ना, शाहरुख खान, सलमान खान आणि अक्षय कुमार यांच्यासारख्या अनेक सुपरस्टार्सनी आपल्या वयापेक्षा लहान हिरोइन्ससोबत काम केले आहे. पण तुम्हाला तो अभिनेता माहित आहे का ज्याने आपल्या पेक्षा तब्बल 24 वर्षांनी मोठ्या अभिनेत्रीसोबत इंटिमेट सीन देऊन सर्वांचं वेधलं होतं.


आपण ज्या अभिनेत्याबद्दल बोलत आहोत, तो बॉलिवूडच्या घराण्यातील आहे. त्याची आई, वडील आणि भाऊ हे सर्वजण सिनेसृष्टीतले मोठे कलाकार आहेत. हा अभिनेता म्हणजे ईशान खट्टर. ‘मॅन ऑफ द अवर’, ‘द रॉयल्स’, ‘होमबाउंड’, ‘बीयॉन्ड द क्लाउड्स’ या प्रोजेक्टमुळे ईशान चर्चेत आला. तो फक्त चित्रपटांतच नाही, तर ओटीटीवरही काम करत आहे आणि प्रेक्षक त्याला पसंत करत आहेत.


ईशान आपल्या पहिल्याच वेब सिरीज ‘अ सूटेबल बॉय’मुळे प्रकाशझोतात आला. या सिरीजमध्ये त्याने आपल्या पेक्षा 24 वर्षांनी मोठ्या असलेल्या अभिनेत्री तब्बूसोबत इंटीमेट आणि बोल्ड सीन केले. वयाचा मोठा फरक असूनही दोघांची केमिस्ट्री प्रेक्षकांनी खूपच आवडली.


A Suitable Boy | Official Trailer | Tabu, Ishaan Khatter, Tanya Maniktala | Netflix India



एका मुलाखतीत ईशानने तब्बू सोबतच्या अनुभवाबद्दल सांगितले होते. तो म्हणाला होता, “मी आणि तब्बू एक परफेक्ट जोडी होतो आणि याचे श्रेय कथालेखनाला जाते. जर आम्हाला कुठल्याही दुसऱ्या स्क्रिप्टमध्ये घेतले गेले असते, जिथे वयातील फरक नजरेआड केला गेला असता, तर कदाचित हे सगळं अजब वाटलं असतं. पण 'अ सूटेबल बॉय'ची कथा इतकी मजबूत होती की त्यामुळे सगळं नैसर्गिक वाटलं.”


तब्बूसोबत काम करणे हे ईशानसाठी एक सहज आणि मजेशीर अनुभव होता. ईशान म्हणाला, “मी कधीच नर्व्हस झालो नाही. आम्ही जे इंटिमेट सीन केले, त्यासाठी आम्हाला फार तयारी करावी लागली नाही. ती सेटवर नेहमी मजेदार गोष्टी बोलायची, जसं – ‘लंचमध्ये काय खायचं?’ किंवा ‘त्याने डोळा कसा मारला?’ वगैरे. ती फारच खट्याळ आहे, अगदी लहान मुलीसारखी. पण एकदा का कॅमेरा सुरु झाला की, ती लगेच आपल्या भूमिकेत शिरायची.”


ईशानने असंही सांगितलं की, “आम्ही दोघंही अनेक वेळा काही न बोलताच एकमेकांशी संवाद साधत होतो. असं वाटत होतं की आमच्या नजरा एकमेकांशी बोलत आहेत.”


या सिरीजमध्ये तब्बूने वेश्येच्या भूमिकेत अभिनय केला होता. ‘अ सूटेबल बॉय’ या वेब सिरीजमध्ये तिच्या आणि ईशानच्या रोमँटिक सीनने प्रेक्षकांचं लक्ष वेधून घेतलं. सिरीजमध्ये तब्बूचे अनेक इंटीमेट सीन आहेत, जे प्रेक्षकांना घाम फोडणारे ठरले.


ही सिरीज ऑक्टोबर 2023 मध्ये नेटफ्लिक्सवर प्रदर्शित झाली होती. यामध्ये तब्बू आणि ईशानसोबतच राम कपूर, नमिता दास, रणदीप हुड्डा, रणवीर शौरी आणि विजय वर्मा यांचाही समावेश होता. या सिरीजचं दिग्दर्शन मीरा नायर यांनी केलं होतं.


ईशान खट्टरने आपल्या अभिनय कारकिर्दीची सुरुवात ‘धडक’ या चित्रपटातून केली होती. त्याच वेळी तो आपल्या को-स्टार जान्हवी कपूरसोबत रिलेशनशिपमध्ये आला होता. जान्हवी ही निर्माता बोनी कपूर आणि अभिनेत्री श्रीदेवी यांची मुलगी आहे. मात्र हे नातं फार काळ टिकले नाही.


इतर महत्त्वाच्या बातम्या