Swatantra Veer Savarkar Movie trailer released: मागील अनेक दिवसांपासून स्वातंत्र्यवीर सावकर (Swatantra Veer Savarkar) या चित्रपटाची जोरदार चर्चा सुरु होती. तसेच या चित्रपटाची प्रेक्षकांमध्येही बरीच उत्सुकता होती. आता प्रेक्षकांची ही उत्सुकता संपणार असून स्वातंत्र्यवीर सावरकर हा चित्रपट लवकरच प्रेक्षकांच्या भेटीला येणार आहे. नुकताच या सिनेमाचा ट्रेलर लॉन्च करण्यात आलाय. बॉलिवूड अभिनेता रणदीप हुड्डा (Randeep Hudda) याने या चित्रपटाचे दिग्दर्शन केले असून त्याने या चित्रपटात मुख्य भूमिका देखील साकारली आहे. हा सिनेमा 22 मार्च रोजी प्रेक्षकांच्या भेटीला येणार आहे.
या ट्रेलर लॉन्च होताना रणदीप हुड्डाला या चित्रपटाबाबतील त्याच्या दृष्टिकोनाबद्दल विचारण्यात आले. त्यावर रणदीपने म्हटलं की, सगळ्यात आधी तर मला या चित्रपटातून स्वत:ची फसणवूक करायची नाही. मी असा कोणताही चित्रपट करत नाही. पण जर मी एखाद्या चित्रपटाशी जोडला गेलो तर मी माझे ते पात्र आत्मीयतेने स्वीकारतो.हे काम एका दिवसात होत नाही. या चित्रपटात रणदीप हुड्डा सोबत अंकिता लोखंडेही मुख्य भूमिकेत दिसणार आहे.
असा आहे चित्रपटाचा ट्रेलर
या ट्रेलरमध्ये रणदीप हुड्डा 1857 च्या क्रांतीचे उदाहरण देऊन लोकांना अखंड भारत निर्माण करण्यास सांगत आहे. या चित्रपटात अंकिता लोखंडे वीर सावकरांच्या पत्नीची भूमिका साकारणार आहे. हा ट्रेलर वीर सावरकरांच्या स्वातंत्र्यासाठी लढणाऱ्या, लोकांना प्रेरणा देणारा आणि तुरुंगात जाण्याची कथा सांगतो.या ट्रेलरमध्ये महात्मा गांधी, सुभाषचंद्र बोस, भगतसिंग यांच्या पात्रांचाही समावेश करण्यात आला आहे.