Rocky Bhai Video : केजीएफ (KGF) या चित्रपटानं बॉक्स ऑफिसवर धुमाकूळ घातला. या चित्रपटाचा पहिला भाग 2018 मध्ये रिलीज झाला. त्यानंतर या चित्रपटाचा दुसरा (KGF 2) भाग देखील प्रेक्षकांच्या भेटीस आला. या चित्रपटाच्या दोन्ही भागांनी बॉक्स ऑफिसवर कोट्यवधींची कमाई केली. या चित्रपटामधील रॉकी भाई (Rocky Bhai) या भूमिकेला प्रेक्षकांची विशेष पसंती मिळाली. रॉकी भाई ही भूमिका अभिनेता यशनं (Yash) साकारली. केजीएफ चित्रपटामधील रॉक भाईच्या स्टाईलनं आणि डायलॉग्सनं अनेकांची मनं जिंकली. सध्या सोशल मीडियावर एका व्यक्तीचा व्हिडीओ व्हायरल होत आहे. या व्हिडीओमधील व्यक्ती हा केजीएफमधील यश सारखा दिसतो असं नेटकऱ्यांचे मत आहे.
व्हायरल झालेल्या व्हिडीओमध्ये लग्नात ढोल वाजवणारा एक व्यक्ती दिसत आहे. या व्यक्तीनं गोल्डन कलरचं जॅकेट घातले आहे. हा ढोल वाजवणारा व्यक्ती रॉकी भाई सारखा दिसतो, असं नेटकऱ्यांचं मत आहे. अनेक नेटकऱ्यांनी या व्हायरल व्हिडीओला लाइक आणि कमेंट्स केल्या आहेत.
नेटकऱ्यांच्या भन्नाट कमेंट्स
व्हायरल व्हिडीओला अनेक नेटकऱ्यांनी मजेशीर कमेंट्स केल्या आहेत. एका युझरनं रॉकी भाईच्या स्टाईलमध्ये कमेंट केली आहे. त्यानं कमेंटमध्ये लिहिलं, 'आय डोन्ट लाइक ढोल, बट ढोल लाइक्स मी' तर दुसऱ्या नेटकऱ्यानं कमेंट केली, 'सगळं सोनं समुद्रात वाहून गेल्यानंतर रॉकी भाई' तर दुसऱ्या युझरनं लिहिलं, 'रॉकी भाईनं इथे पण गोल्डन कलरचं जॅकेट घातलं आहे.'
पाहा व्हिडीओ:
निर्माते विजय किरगंदूर यांनी माहिती दिली की, केजीएफ चॅप्टर 3 हा देखील लवकरच प्रेक्षकांच्या भेटीस येणार आहे. या चित्रपटाचं शूटिंग ऑक्टोबर 2022 मध्ये सुरू होणार असून हा चित्रपट 2024 मध्ये रिलीज होईल. ते म्हणाले, 'दिग्दर्शक प्रशांत नील सध्या सालारच्या शूटिंगमध्ये व्यस्त आहेत. 30 ते 35 टक्के शूटिंग पूर्ण झाले आहे. त्याचे पुढील वेळापत्रक पुढील आठवड्यात सुरू होईल.'
हेही वाचा: