Shah Rukh Khan : बॉलिवूडचा 'बादशाह' अशी ओळख असणारा अभिनेता शाहरुख खान (Shah Rukh Khan) त्याच्या वैयक्तिक आयुष्यामुळे चर्चेत असतो. त्याचा चाहता वर्ग मोठा आहे. 23 मे रोजी दिल्लीमधील एका इव्हेंटमध्ये शाहरुकनं सहभाग घेतला. यावेळी उपस्थित लोकांसोबत संवाद साधताना शाहरुखनं त्याच्या घरात असलेल्या टिव्हीची किंमत सांगितली. त्याचा या इव्हेंटमधील व्हिडीओ व्हायरल झाला. या व्हिडीओला नेटकऱ्यांनी भन्नाट कमेंट्स केल्या आहेत.
व्हिडीओमध्ये दिसत आहे की शाहरुख सांगतो, 'माझ्या घराच्या लिव्हिंग एरियामध्ये एक टिव्ही आहे. तसेच बेडरुममध्ये देखील एक टिव्ही आहे. अबरामच्या रुममध्ये वेगळा टिव्ही आणि आर्यनच्या रुममध्ये देखील वेगळा टिव्ही आहे. माझ्या मुलीच्या रुममध्ये एक टिव्ही आहे. जवळपास 12 ते 13 टिव्ही माझ्या घरात आहेत. या सर्वांची किंमत 30 ते 40 लाख रुपये आहे. '
नेटकऱ्यांच्या भन्नाट कमेंट्स
एका युझरनं कमेंट केली, 'टिव्हीच्या किंमतीचं आमचं पूर्ण घर आहे. ' तर दुसरा नेटकरी म्हणाला, 'शाहरुख शो ऑफ करत आहे. एका युझरनं कमेट केली, 'शाहरुखचे हे बोलणे ऐकून मी स्वत:ला खूप गरीब समजत आहे. '
शाहरुखच्या मन्नतची किंमत
शाहरूख आणि गौरीच्या मन्नत या बंगल्याची किंमत जवळपास 200 कोटी रूपये आहे. हा बंगला 6 मजल्यांचा असून सी फेसिंग आहे. त्यांचा दुबईमध्ये देखील एक व्हिला आहे. या व्हिल्याची किंमत 24 कोटी आहे. शाहरूखचे लंडन पार्क लेनमध्ये 172 कोटीचे घर आहे.
शाहरुख सध्या त्याच्या ‘Dunki’ या आगामी चित्रपटाच्या शूटिंगमध्ये व्यस्त आहे. या चित्रपटामध्ये तापसी पन्नू ही प्रमुख भूमिका साकारणार आहे. तसेच शाहरुखचा पठाण चित्रपट देखील प्रेक्षकांच्या भेटीस येणार आहे. या चित्रपटामध्ये दीपिका पादुकोण आणि जॉन अब्राहम हे देखील या चित्रपटामध्ये महत्त्वाची भूमिका साकारणार आहे.
संबंधित बातम्या