Shah Rukh Khan : बॉलिवूडचा किंग खान म्हणून ओळख असलेला अभिनेता शाहरूख खान (Shah Rukh Khan) हा आपल्या अभिनयाने तर लोकांना प्रेरित करतोच. पण, अनेकदा मुलाखत देताना किंवा सोशल मीडियाच्या माध्यमातून व्यक्त होताना त्याने दिलेला प्रतिसाद देखील लोकांचं लक्ष वेधून घेतो. नुकतेच महिंद्रा अँड महिंद्रा ग्रूपचे अध्यक्ष आनंद महिंद्रा (Anand Mahindra) यांनी शाहरूख खानच्या जिंदा बंदा गाण्याच्या संदर्भात ट्वीट केलं होतं. या ट्विटला आता किंग खानने रिप्लाय दिला आहे. शाहरूखने रिप्लाय देताना जे म्हटलं आहे त्याने सर्वांचंच लक्ष वेधून घेतलं आहे.
प्रमुख उद्योगपती आनंद महिंद्रा यांनी शाहरूखच्या जवान चित्रपटातील जिंदा बंदा या गाण्याचा व्हिडीओ ट्विटरवर शेअर केला आहे. आणि कॅप्शनमध्ये लिहिलं की, हा हिरो खरंच 57 वर्षांचा आहे?? त्याच्या वृद्धत्वाची प्रक्रिया गुरुत्वाकर्षण शक्तींना विरोध करते! तो बहुतेक लोकांपेक्षा 10X जिवंत आहे. #ZindaBanda हो तो ऐसा…असं ट्वीट केलं होतं. या ट्वीटला आता शाहरूख खानने रिप्लाय दिला आहे.
शाहरूखने रिप्लाय देत म्हटलं की,
शाहरूख खानने आनंद महिंद्रा यांच्या ट्विटला रिप्लाय देत म्हटलं आहे की, आयुष्य खूप लहान आणि वेगवान आहे सर, फक्त त्याच्याशी जुळवून घेण्याचा प्रयत्न करतोय. जे काही लागेल तेवढे मनोरंजन करण्याचा प्रयत्न करतोय.
यूजर्सच्या प्रतिक्रिया म्हणाले..
शाहरूख खानने दिलेल्या प्रतिक्रियेने सोशल मीडियावर सर्वांचंच लक्ष वेधून घेतलं आहे. या ट्विटवर अनेक यूजर्स आणि चाहत्यांनी आपल्या प्रतिक्रिया दिल्या आहेत. एका यूजरने लिहिलं आहे की, “Zinda Banda Powering Youth. तर, दुसऱ्या यूजरने लिहिलं आहे की, “Greatest of all times.”
7 सप्टेंबरला 'जवान' चित्रपट प्रेक्षकांच्या भेटीला
शाहरुखचा 'जवान' हा चित्रपट 7 सप्टेंबर रोजी चित्रपटगृहात प्रदर्शित होणार आहे. हा चित्रपट हिंदी, तामिळ आणि तेलुगू भाषेत रिलीज केला जाणार आहे. जवान (Jawan) या चित्रपटात शाहरुख खानबरोबर नयनतारा, विजय सेतुपती हे कलाकार महत्त्वाच्या भूमिका साकारताना दिसणार आहेत. अॅटलीनं जवान या चित्रपटाचं दिग्दर्शन केलं असून गौरी खानने या चित्रपटाची निर्मिती केली आहे. शाहरुखचे चाहते जवान या चित्रपटाची उत्सुकतेने वाट बघत आहेत.
महत्त्वाच्या बातम्या :
Jawan Song Zinda Banda: शाहरुखचा जबरदस्त डान्स आणि डॅशिंग लूक; 'जवान' मधील 'जिंदा बंदा' गाणं रिलीज