Santosh Juvekar : मराठी चित्रपटसृष्टीतील प्रसिद्ध अभिनेता संतोष जुवेकर (Santosh Juvekar) त्याच्या अभिनयानं नेहमीच प्रेक्षकांची मनं जिंकतो. संतोष हा सोशल मीडियावर बराच अॅक्टिव्ह असतो. वेगवेगळे विनोदी व्हिडीओ तो शेअर करतो. नुकताच संतोषनं खास व्हिडीओ शेअर केला आहे.
संतोषनं शेअर केलेल्या व्हिडीओमध्ये असे दिसत आहे की, संतोष प्रवास करत असतानाच त्याचा एक फॅन त्याला पाहून सेल्फी काढण्याचा आग्रह करतो. सेल्फी काढण्यासाठी संतोष त्याचा गॉगल काढतो तर तो फॅन चक्क सेल्फी न काढताच तेथून निघून जातो. हा व्हिडीओ शेअर करून संतोषनं कॅप्शनमध्ये लिहिले, 'आपल्याकडे काही लोकांना वाटत गॉगल घातला असेल तरच तो अभिनेता नाहीतर कोणतरी फंट्टर. तोंडावर हड करून गेला. ' संतोषच्या या व्हिडीओला नेटकऱ्यांची पसंती मिळाली असून अनेक चाहत्यांनी या व्हिडीओला कमेंट केली आहे. एका चाहत्यानं कमेंटमध्ये लिहिलं, 'मी संतोषनं गॉगल घातला नसता तरी सेल्फी काढला असता. '
संतोषनं अनेक चित्रपट आणि मालिकांमध्ये काम केले आहे. त्याच्या मोरया आणि झेंडा या चित्रपटांना विशेष पसंती मिळाली. तसेच एक थी बेगम या वेब सीरिजमध्ये देखील संतोषनं महत्वाची भूमिका साकारली.
संबंधित बातम्या
- Sonu Nigam On The Kashmir Files : 'म्हणून मी अजूनही द कश्मीर फाइल्स नाही पाहिला...'; सोनू निगमनं सांगितलं कारण
- katrina kaif, Vicky Kaushal : कतरिनाचा एअरपोर्टवरील व्हायरल व्हिडीओ चर्चेत; नेटकरी म्हणाले, 'प्रेग्नंट आहेस का?'
- kgf chapter 2 : केजीएफ-2 च्या दिग्दर्शकाचा गौप्यस्फोट; म्हणाला, 'गोष्टी लिहिताना मी दारू पितो'