katrina kaif, Vicky Kaushal : बॉलिवूडमधील प्रसिद्ध अभिनेत्री कतरिना कैफचा (katrina kaif) चाहता वर्ग मोठा आहे. काही महिन्यापूर्वी कतरिनानं अभिनेता विकी कौशलसोबत (Vicky Kaushal) लग्नगाठ बांधली. सध्या कतरिनाचा एक व्हिडीओ सोशल मीडियावर प्रचंड व्हायरल होत आहे. या व्हिडीओची चर्चा सध्या सोशल मीडियावर होत आहे.
व्हायरल झालेला व्हिडीओ हा मुंबई एअरपोर्टवरील आहे. या व्हिडीओमध्ये कतरिना ही पिंक कलरचा कुर्ता, प्लाजो, दुपट्टा आणि डोळ्यांवर गॉगल अशा लूकमध्ये दिसत आहे. अनेक नेटकऱ्यांनी कतरिनाच्या या देसी लूकचं कौतुक केलं. पण काही युझर्सनं मात्र कतरिनाला, 'तू प्रेग्नंट आहेस का?' असा प्रश्न व्हिडीओला कमेंट करू विचारला. एका नेटकऱ्यानं या व्हिडीओला कमेंट केली, असं वाटतंय 'कतरिना आणि विकी लवकरच गुड न्यूज देणार आहेत', तर दुसऱ्यानं लिहिले, 'गरोदर वाटत आहेस.'
कतरिनाचा लवकरच टायगर-3 हा चित्रपट प्रेक्षकांच्या भेटीस येणार आहे. या चित्रपटामध्ये कतरिनासोबतच सलमान खान देखील प्रमुख भूमिकेत दिसणार आहे. राजस्थानच्या बरवारा येथील सिक्स सेन्सेस फोर्टमध्ये कतरिना आणि विकीने लग्नगाठ बांधली. त्यांच्या विवाह सोहळ्याचे फोटो कतरिना आणि विकीने सोशल मीडियावर शेअर केले होते. विकी आणि कतरिनाच्या लग्नाला नेहा धुपिया, अंगद बेदी, कबीर खान, मिनी माथूर, गुरदास मान आणि शर्वरी वाघ या सेलिब्रिटींनी हजेरी लावली होती.
संबंधित बातम्या