RRR : आगामी चित्रपट आरआरआर (RRR) ची चर्चा सध्या सोशल मीडियावर होत आहे. या चित्रपटामध्ये  आलिया भट्ट (Alia Bhatt), अजय देवगन (Ajay Devgn), ज्युनियर एनटीआर (Jr NTR)  आणि राम चरण (Ram Charan) हे कलाकार प्रमुख भूमिका साकारणार आहेत. एसएस राजामौली (SS Rajamouli) यांनी या चित्रपटाचं दिग्दर्शन केलं आहे. एसएस राजामौली यांच्या चित्रपटामधील भव्य सेट्स हे नेहमीच प्रेक्षकांचे लक्ष वेधतात. त्यांच्या बाहुबली आणि  'बाहुबली- द कन्क्लूजन' या चित्रपटांना प्रेक्षकांची विशेष पसंती मिळाली. बॉक्स ऑफिसवरील अनेक रेकॉर्ड या चित्रपटांनी मोडले. या चित्रपटांचे बजेट जास्त होते. पण आता राजामौली यांच्या आरआरआर या चित्रपटाचे बजेट हे बाहुबली या चित्रपटाच्या दोन्ही भागांपेक्षा जास्त आहे. जाणून घेऊयात चित्रपटांमधील कलाकरांच्या मानधनाबाबत आणि या चित्रपटाच्या बजेटबाबत....


रिपोर्टनुसार, आरआरआर हा चित्रपट तयार करण्यासाठी 400 कोटी रूपये खर्च करण्यात आले. या चित्रपटामध्ये काम करण्यासाठी राम चरण आणि ज्युनियर एनटीआरनं 45 कोची रूपये मानधन घेतलं आहे तर आलियनं नऊ कोटी मानधन घेतलं. अजय देवगणनं या चित्रपटात कमी वेळासाठी स्क्रिन शेअर करणार आहे. त्यानं या चित्रपटासाठी 25 कोटी फी घेतली आहे.


'बाहुबली द  कन्क्लूजन' या चित्रपटाचं बजेट 250 कोटी होते प्रभासनं या चित्रपटासाठी 25 कोटी मानधन घेतलं होतं. आरआरआर हा चित्रपट 25 मार्च रोजी प्रेक्षकांच्या भेटीस येणार आहे.  चित्रपटातील शोले हे गाणं काही दिवसांपूर्वी प्रदर्शित झालं. 


संबंधित बातम्या



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha