Raha Kapoor : नुकतच रणबीर कपूर (Ranbir Kapoor) हा त्याच्या वांद्र्यातील नवीन घरात दिसला होता. वांद्र्यात सध्या कपूर कुटुंबाचं नवं घर आकार घेतंय. या घराचं काम झाल्यावर संपूर्ण कपूर कुटुंबिय इथेच राहायला येणार असल्याचं म्हटलं जात आहे. या आलिशान बंगल्याची किंमत ही शाहरुखच्या (Shah Rukh Khan) मन्नतला आणि अमिताभ (Amitabh Bachchan) यांच्या जलसा बंगल्याला देखील मागे टाकणारी असल्याचं सांगण्यात येत आहे. राज कपूर यांनी घेतलेलं हे घर कपूरांचा एकुलता एक नातू रणबीरकडे आलं. त्यातच या घराला कपूरांची लाडकी लेक अन् नात राहा (Raha Kapoor) हीचं नाव देणार असल्याच्या चर्चा आहेत.
बॉलीवूड लाइफच्या अहवालानुसार, रणबीरने त्याची आणि आलियाची एक वर्षांची मुलगी राहा कपूरच्या नावावर बंगल्याचे नाव ठेवणार असल्याचं समोर आलं आहे. या बंगल्याच्या बांधकामासाठी कथितरित्या 250 कोटी रुपये खर्च झाला आहे. ज्यामुळे हे मुंबईतील सर्वात भव्य सेलिब्रिटींच्या घरांपैकी एक बनले आहे. रणबीर आणि आलिया या दोघांनीही त्यांच्या या घराच्या स्वप्नासाठी आपलं सारखं योगदान दिलं आहे. इतर बॉलीवूड मेगास्टार्सच्या तुलनेत हा बंगला मुंबईतील सर्वात महागडा ठरेल अशी जोरदार चर्चा सुरु आहे.
आलिशान बंगल्याला देणार लेकीचं नाव
दरम्यान रणबीरने या बंगल्याला त्याच्या लेकीचं नाव देण्याचा निर्णय घेतला आहे. त्यामुळे मुंबईतल्या सगळ्यात महागड्या घराला नाव असणारी राहा ही पहिलीच स्टारकिड आहे. याचसगळ्यामध्ये राहा ही सर्वात श्रीमंत स्टारकिड असल्याचं म्हटलं जातंय. या बंगल्याव्यतिरिक्त रणबीर आणि आलियाचे वांद्रे येथे चार फ्लॅट आहेत, ज्यांची एकत्रित किंमत ₹60 कोटींहून अधिक आहे.रणबीरची आई नीतू कपूर या बंगल्याची सह-मालक असणार आहेत. कारण ऋषी कपूर यांच्या इच्छेनुसार नीतू कपूर या संपूर्ण मालमत्तेच्या अर्ध्या मालकीण आहेत. त्यांनी अलीकडेच वांद्रे येथे ₹15 कोटींचे घर खरेदी केले आहे.
रणबीर आणि आलियाची मालमत्ता
या आलिशान बंगल्याशिवायच वांद्र परिसरातच रणबीर आणि आलियाचे 4 फ्लॅट्स आहेत. या फ्लॅट्सची किंमत जवळपास 60 कोटींपेक्षा जास्त आहे. दरम्यान या बंगल्याच नीतू कपूर या देखील रणबीरसोबत मालकीण असणार आहेत. कारण दिवंगत अभिनेते ऋषी कपूर यांनी त्यांच्या सर्व मालमत्तेची अर्धी जबाबदारी नीतू यांच्याकडे सोपवली होती. नीतू कपूर यांनी नुकतच वांद्रे परिसरात 15 कोटींचं घर खेरदी केल्याची माहिती सध्या समोर आली होती.