Prithviraj : बॉलिवूडमधील प्रसिद्ध अभिनेता अक्षय कुमार  (Akshay Kumar)  हा त्याच्या पृथ्वीराज (Prithviraj) या आगमी चित्रपटामुळे चर्चेत आहे. या चित्रपटाचा ट्रेलर काही दिवसांपूर्वी रिलीज झाला. ट्रेलर पाहिल्यानंतर अक्षयचे चाहते या चित्रपटाची उत्सुकतेने वाट पाहात आहेत. पृथ्वीराज चित्रपटामध्ये अक्षयसोबतच मानुषी छिल्लर (Manushi Chhillar),संजय दत्त (Sanjay Dutt), सोनू सूद (Sonu Sood) आणि मानव विज  हे कलाकार देखील प्रमुख भूमिका साकारणार आहेत. आता नुकतेच या चित्रपटामधील पहिलं गाणं प्रदर्शित झालं आहे. या गाण्याचं नाव 'हरी हर'  असं आहे. अक्षयनं त्याच्या सोशल मीडियावरील अकाऊंटवरुन हे गाणं रिलीज झालेल्याची माहिती चाहत्यांना दिली आहे. या गाण्यामध्ये अक्षय कुमार हा मैदानामध्ये लढताना दिसत आहे. तसेच राजकुमारी संयोगिता आणि पृथ्वीराज यांच्या लग्नसोहळ्याचे काही दृष्य या गाण्यामध्ये दिसत आहेत. 


गाण्याला नेटकऱ्यांकडून पसंती 
पृथ्वीराजच्या 'हरी हर' या गाणं रिलीज झाल्यानंतर काही तासांमध्ये दोन लाखपेक्षा जास्त लोकांनी पाहिलं. गायक आदर्श शिंदेनं हे गायलं आहे. तसेच वरुण ग्रोव्हर हे या गाण्याचे गीतकार आहेत. नेटकऱ्यांकडून या गाण्याला पसंती मिळाली आहे.  



चित्रपटामध्ये मानुषी छिल्लरनं राजकुमारी संयोगिता ही भूमिका साकारली आहे. तर संजय दत्तनं काका कान्हा ही भूमिका साकारली आहे. आशुतोष राणा जयचंद या भूमिरकेतून प्रेक्षकांच्या भेटीस येणार आहेत. तसेच सोनू सूद हा कवी चंद्रवरदाई ही भूमिका साकारणार आहे. तसेच साक्षी तंवर आणि ललित तिवारी हे देखील या चित्रपटामध्ये महत्वाची भूमिका साकारणार आहेत. चित्रपटाचे दिग्दर्शन चंद्रप्रकाश द्विवेदी यांनी केले आहे. हा चित्रपट  3 जून रोजी प्रेक्षकांच्या भेटीस येणार आहे.  


हेही वाचा :