Parineeti Chopra, Arjun Kapoor : बॉलिवूडमधील प्रसिद्ध अभिनेत्री परिणीती चोप्रा (Parineeti Chopra) आणि अभिनेता अर्जुन कपूर (Arjun Kapoor) यांच्या ऑन स्क्रिन केमिस्ट्रीला प्रेक्षकांची नेहमी पसंती मिळते. तसेच परिणीती आणि अर्जुन हे एकमेकांसोबतचे फोटो सोशल मीडियावर नेहमी शेअर करत असतात. नुकतीच परिणीतीनं सोशल मीडियावर एक खास पोस्ट शेअर केली. त्या पोस्टवर रिप्लाय देत अर्जुननं परिणीतीला ट्रोल केलं. त्यानंतर या दोघांमध्ये पोस्टद्वारे झालेल्या चर्चेनं नेटकऱ्यांचे लक्ष वेधले.
परिणीतीनं सोशल मीडियावर 'आस्क मी एनीथिंग सेशन' चे आयोजन केले. या सेशनमध्ये नेटकऱ्यांनी परिणीताला हटके प्रश्न विचारले. चाहत्यांनी विचारलेल्या प्रश्नांची परिणीतीनं दिलखुलासपणे उत्तरं दिली. या सेशनमध्ये एका नेटकऱ्याने अर्जुन कपूरबाबत काही ओळी लिहिण्याची विनंती परिणीतीकडे केली. त्यावर परिणीतीनं सांगितलं की मी त्याच्याबद्दल बऱ्याच ओळी लिहू शकते. अर्जुननं परिणीतीनं शेअर केलेल्या स्टोरीला रिप्लाय करत तिला ट्रोल केले. अर्जुननं लिहिले, 'तुझा आवाज ऐकण्यासारखा नाहिये. तु कमी बोलत जा. ' अर्जुनच्या या कमेंटवर परिणीतीनं धमकी देत उत्तर दिलं, 'मी तुझा नंबर डिलीट करणार आहे.'
2012 साली प्रदर्शित झालेल्या इशकजादे या चित्रपटातील परिणीती आणि अर्जुनच्या जोडीला प्रेक्षकांची पसंती मिळाली. त्यानंत हे दोघे संदीप आणि पिंकी फरार या चित्रपटातून प्रेक्षकांच्या भेटीस आले होते.
महत्वाच्या बातम्या :
Nia Sharma : 'पैशांसाठी कराव्या लागतात विणवण्या'; नियानं सांगितला स्ट्रगलचा अनुभव
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha