Action Thriller Series On OTT: ओटीटीवर दररोज काही ना काही नवीन पाहायला मिळत असताना आता एक गाजलेली कल्ट सीरिज (Cult Webseries) पुन्हा प्रेक्षकांच्या भेटीला येणार आहे. ओटीटीच्या दुनियेत पुन्हा एकदा या सिरीजची एकच चर्चाय. या सिरीजमधून काही वर्षांपूर्वी बॉलीवूडच्या 69 वर्षीय अभिनेत्याने आपल्या अभिनय आणि ॲक्शनने सर्वांची मनं जिंकली होती. विशेष म्हणजे, ही सीरिज 'अमेरिकन 24' या लोकप्रिय ड्रामाचा हिंदी रिमेक आहे. अनेक वर्षांनंतर आता ही सीरिज OTT वर पुन्हा येत असल्याने चाहत्यांमध्ये प्रचंड उत्साह पाहायला मिळत आहे. (OTT Action Thriller Series)
‘24’ मध्ये पुन्हा दिसणार अनिल कपूर
अनिल कपूर यांची ब्लॉकबस्टर ॲक्शन-थ्रिलर सीरिज 24 पुन्हा एकदा प्रेक्षकांसमोर येत आहे. नुकतीच याची अधिकृत घोषणा करण्यात आली आहे. अनिल कपूर (Anil Kapoor) आणि JioHotstar यांनी ही माहिती दिली असून ‘24’ चे दोन्ही सीझन येत्या 24 एप्रिलपासून JioHotstar वर स्ट्रीम होणार आहेत. प्रेक्षकांची उत्सुकता टिकवून ठेवण्यासाठी या हाय-ऑक्टेन थ्रिलरचे 8 एपिसोड दर शुक्रवारी रिलीज केले जाणार आहेत. या सीरिजच्या प्रचंड लोकप्रियतेचा विचार करून ओटीटी प्लॅटफॉर्मने हा निर्णय घेतला आहे.
अनिल कपूरही यांच्या जवळचा प्रोजेक्ट
या सीरिजच्या OTT पुनरागमनाबाबत अनिल कपूर यांनी त्यांचा अनुभव शेअर केला. ते म्हणाले, “मी माझ्या करिअरमध्ये अनेक ॲक्शन आणि इंटेन्स भूमिका केल्या, पण ‘24’ माझ्यासाठी केवळ एक शो नव्हता. त्याची ऊर्जा, वेग आणि रिअल-टाइम स्टोरीटेलिंगने मला अभिनेता आणि स्टोरीटेलर म्हणून सतत आव्हान दिलं. हा प्रोजेक्ट माझ्या मनाच्या खूप जवळ आहे. आता ही सीरिज JioHotstar वर येत असल्याने प्रेक्षकांनी पुन्हा तोच थरार अनुभवावा, अशी माझी इच्छा आहे.”
थ्रिलरप्रेमींसाठी पुन्हा पर्वणी
‘रेस अगेंस्ट टाइम’ या संकल्पनेवर आधारित असलेली ही सीरिज नेहमीच प्रेक्षकांना खुर्चीच्या टोकावर बसवते. दमदार कथा, वेगवान घडामोडी आणि थरारक मांडणीमुळे ‘24’ ही थ्रिलरप्रेमींसाठी आवडती सीरिज ठरली आहे. ही सीरिज पूर्वी Colors TV वर प्रसारित झाली होती. यामध्ये अनिल कपूरसोबत नील भूपालम, मंदिरा बेदी, साक्षी तंवर, आशीष विद्यार्थी, अनीता राज, टिस्का चोप्रा यांसारख्या कलाकारांनी महत्त्वाच्या भूमिका साकारल्या होत्या.
हेही वाचा: