Marathi Actress on Sudhir Mungantiwar : भाजपचे नेते आणि सांस्कृतिक ,वनविभाग आणि मत्स्य व्यवसाय मंत्री सुधीर मुनगंटीवार (Sudhir Mungantiwar) यांचा मंगळवार 30 जुलै रोजी वाढदिवस होता. त्याच निमित्ताने मराठी अभिनेत्रीची पोस्ट सध्या चर्चेत आली आहे. या मराठी अभिनेत्री सुधीर मुनगंटीवारांसाठी पोस्ट करत त्यांच्या कामाचंही कौतुक केलं आहे.
अभिनेत्री मेघा धाडे ही बिग बॉसच्या घरानंतर बरीच चर्चेत राहिली. त्यानंतर भाजपमध्ये प्रवेश करत तिने राजकीय प्रवासाला देखील सुरुवात केली. त्यातच आता मेघाने सुधीर मुनगंटीवार यांच्या वाढदिवसानिमित्ताने केलेली पोस्ट सध्या सोशल मीडियावर बरीच चर्चेत आली आहे.
मेघा धाडेने काय म्हटलं?
मेघाने तिच्या सोशल मीडियावर सुधीर मुनगंटीवारांसोबत फोटो शेअर करत म्हटलं की, ज्यांच्या नावापुढे विकास पुरुष ही उपाधी अतिशय शोभून दिसते ,जे वाळवंटातही नंदनवन खुलवू शकतात अशी प्रचंड क्षमता असलेले आपल्या सगळ्यांचे लाडके लोकनेते आणि सांस्कृतिक ,वनविभाग व मत्स्य व्यवसाय मंत्री श्री सुधीर भाऊ मुनगंटीवार यांना वाढदिवसाच्या अनंत अनंत शुभेच्छा .
पुढे तिने म्हटलं की, सुधीर भाऊ आपल्या कार्याचा ओघ हा कायम असाच सुरू असू दे आपण कायम सुखात आनंदात असू देत , आपली प्रकृती ही कायम ठणठणीत असू दे जेणेकरून आपण घेतलेले लोकसेवेचे हे व्रत अखंड अविरत चालू राहील अशीच ईश्वरचरणी प्रार्थना करते . पुन्हा एकदा जन्मदिनाच्या अनेक अनेक शुभेच्छा.
मेघा ही बिग बॉस मराठीच्या पहिल्या सीझनची विजेती ठरली. तसेच मेघानं अनेक मालिका आणि चित्रपटांमध्ये काम केलं आहे. तिनं हिंदी बिग बॉसच्या 12 सीझनमध्ये देखील सहभाग घेतला होता. त्यानंतर मेघा अनेक राजकीय आणि सामाजिक विषयांवर केलेली पोस्ट बऱ्याचदा चर्चेत येते. याआधी तिने राहुल गांधी यांच्याविरोधात केलेली पोस्ट देखील बरीच चर्चेत आली होती.