Jr.NTR, Prashanth Neel : साऊथ स्टार ज्युनियर एनटीआरने (Jr.NTR) नुकताच त्याचा 39वा वाढदिवस साजरा केला. त्याचा यंदाचा वाढदिवस त्याच्यासाठी आणखी खास बनला आहे. यंदाच्या वर्षी रिलीज झालेला त्याचा ‘RRR’ हा चित्रपट ब्लॉकबस्टर ठरला होता. आता या खास दिवसाच्या निमित्ताने त्याला 'KGF: Chapter 2'चे (KGF 2) दिग्दर्शक प्रशांत नील यांच्याकडून खास भेट मिळाली आहे.


‘केजीएएफ’ फेम दिग्दर्शक प्रशांत नील आणि ‘आरआरआर’ फेम ज्युनियर एनटीआर लवकरच एकत्र काम करणार आहेत. आता दोघांच्या नव्या प्रोजेक्टची तयारीही सुरू झाली आहे, त्याचा पुरावा म्हणजे प्रशांत नीलने शेअर केलेले एक खास पोस्टर. एनटीआरच्या वाढदिवशी प्रशांत नील यांनी त्यांच्या आगामी चित्रपटाचा फर्स्ट लूक रिलीज केला आहे. अद्याप नाव न ठरलेल्या या चित्रपटाला NTR31 म्हटले जाणार आहे. या पोस्टरमध्ये, ज्युनियर एनटीआरचा जबरदस्त अवतारात पाहायला मिळत आहे.


कधी सुरू होणार ‘NTR 31’चे शूटिंग?


ज्युनियर एनटीआर दिग्दर्शक कोर्टाला शिवाच्या ‘NTR 30’नंतर ‘NTR31’च्या प्रोजेक्टवर लक्ष केंद्रित करणार आहे. हा चित्रपट प्रशांत नील दिग्दर्शित करणार असून, पहिल्या लूकमधून ज्युनियर एनटीआर एका धडाकेबाज अवतारात दिसणार असल्याचे स्पष्ट होत आहे. पोस्टरमध्ये डार्क थीम आहे आणि एनटीआरच्या चेहऱ्यावर राग दिसतो आहे. त्याचा हा लूक चाहत्यांचे लक्ष वेधून घेत आहे.


निर्मात्यांव्यतिरिक्त, तरण आदर्शने देखील हे पोस्टर शेअर केले आहे. त्यांनी हे पोस्टर शेअर करताना लिहिले की, 'मोठी बातमी... ज्युनियर एनटीआर आणि 'केजीएफ' दिग्दर्शक प्रशांत नील एका पॅन इंडिया चित्रपटासाठी हात मिळवणी करत आहेत... #JrNTR च्या वाढदिवसानिमित्त, ही एक मोठी घोषणा आहे... #JrNTR आणि #KGF2चे दिग्दर्शक प्रशांत नील यांचे ‘NTR 31’साठी टीम अप.. एप्रिल 2023 पासून शूटिंग सुरू सुरु होणार आहे.’



‘NTR 30’ची ही घोषणा!


‘NTR30’ या नावाने चित्रपटाचे मोशन पोस्टर रिलीज करण्यात आले आहे. ज्युनियर एनटीआरच्या या नवीन चित्रपटाचे दिग्दर्शन कोर्टाला शिवा करणार आहेत. अभिनेता एनटीआर आणि कोर्टाला एकत्र काम करण्याची ही दुसरी वेळ आहे. यापूर्वी 2016 मध्ये 'जनता गॅरेज' या चित्रपटाचे दिग्दर्शनही कोर्टाला शिवा यांनी केले होते आणि हा चित्रपट यशस्वी ठरला होता.


हेही वाचा :