मुंबई : चित्रपटसृष्टीत आजवर बरेच बायोपिक आलेत. प्रत्येक चित्रपटाला रसिकांची दाद मिळाली आहे. राजकारण, क्रीडा अशा क्षेत्रांवर बायोपिक बनवले जात आहे. याशिवाय फिल्म स्टार्सवरही बायोपिक बनवले जात आहेत.आता प्रसिद्ध कॉमेडियन कपिल शर्मावर लवकरच बायोपिक येणार आहे.
छोट्या पडद्यावरील प्रसिद्ध शो 'द कपिल शर्मा शो (The Kapil Sharma Show) ला प्रेक्षकांची नेहमी पसंती मिळते. छोट्या पडद्याबरोबर कपिलने चित्रपटात देखील काम केले आहे. कपिल शर्मावर बनणाऱ्या या बायोपिकचे नाव फनकार असणार आहे. 2013 साली प्रदर्शित झालेला फुक्रे आणि 2017 साली आलेला फुक्रे रिटर्नचे दिग्दर्शक मृगदीप लाम्बा 'फनकार' दिग्दर्शित करणार आहे.
या चित्रपटात पंजाबच्या अमृतसरध्ये जन्म झालेल्या कपिल शर्माच्या संघर्षाबरोबर छोट्या पडद्यावरील सर्वात महागडा आणि यशस्वी कलाकारापर्यंतचा प्रवास दाखवण्यात येणार आहे.
फनकारचे दिग्दर्शक मृगदीप लाम्बा म्हणाले, देशातील सर्वता लोकप्रिय कपिल शर्माचा प्रवास प्रेक्षकांसमोर आणण्यासाठी मी उत्सुक आहे. निर्माता महावीर जैन यांनी फनकारची निर्मिती लायका प्रोडक्शनबरोबर मिळून करणार आहे. दरम्यान महावीर जैन म्हणाले, कपिल शर्माचा मोठ्या पडद्यावर मांडण्यात आम्ही उत्सुक आहे, त्याबद्दल मला आम्हाला अभिमान आहे.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
संबंधित बातम्या