Ajith Kumar Birthday : सध्या मनोरंजन विश्वात साऊथच्या कलाकारांचा प्रचंड बोलबाला आहे. अशाच एका साऊथच्या अभिनेत्याचा आज वाढदिवस आहे. साऊथचा सुपरस्टार ‘थाला अजित’ म्हणजेच अजित कुमार (Ajith Kumar) याचा आज (1 मे) 51वा वाढदिवस आहे. अजित कुमार याचा जन्म 1 मे 1971 रोजी सिकंदराबाद, हैदराबाद येथे झाला. अभिनेत्याचे वडील तामिळ आहेत, तर आई बंगाली आहे. अजितने आपल्या अनेक चित्रपटांमध्ये जबरदस्त व्यक्तिरेखा साकारल्या आहेत.
अभिनेता अजित कुमार याला त्याचे चाहते प्रेमाने ‘थाला अजित’ म्हणतात. अभिनेत्याची लोकप्रियता इतकी आहे की, त्याचा कोणताही चित्रपट प्रदर्शित होताच, चित्रपटगृहे गर्दीने खचाखच भरतात. अजित केवळ अभिनेताच नाही, तर त्याच्या अंगी इतर बरेच कलागुण आहे.
बालकलाकार म्हणून अभिनयची सुरुवात!
अभिनेता अजित कुमारने बालकलाकार म्हणून मनोरंजन विश्वात पदार्पण केले होते. 1990मध्ये तामिळ चित्रपट 'एन विधू एन कानवर' मध्ये एका गाण्यात दिसला होता, ज्यामध्ये त्याने शालेय विद्यार्थ्याची छोटीशी भूमिका साकारली होती. त्याने, मुख्य अभिनेता म्हणून तेलुगु चित्रपटातून कारकिर्दीची सुरुवात केली होती. मात्र, त्या चित्रपटाच्या दिग्दर्शकाचा मृत्यू झाला. यामुळे त्यांनी पुन्हा तेलुगु चित्रपट केलेला नाही.
अभिनेत्याची प्रसिद्धी पाहून शाहरुखही चक्रावला!
शाहरुख आणि अजित यांनी ‘अशोक’ या चित्रपटात एकत्र काम केले होते. या चित्रपटाच्या प्रमोशन दरम्यान शाहरुख खानला अजितच्या लोकप्रियतेची प्रचीती आली. चेन्नईतील एका कार्यक्रमात अजितबद्दल बोलताना शाहरुख खान म्हणाला होता की, त्याचा सहकलाकार किती मोठे सुपरस्टार आहेत, याची मला कल्पनाच नव्हती. शूटिंगदरम्यान अजित अगदी साधेपणाने वावरायचा. अजितने अशोकच्या सावत्र भावाची भूमिका साकारली होती.
अजित कुमार यांनी कार रेसिंगमध्ये करिअर केले. 2004 मध्ये यूकेमध्ये झालेल्या फॉर्म्युला सीझन 3 मध्ये त्याने फॉर्म्युला 2 रेसर म्हणून भाग घेतला होता. या शर्यतीत अजितने तिसरा क्रमांक पटकावला होता. अभिनय आणि कार रेसिंग व्यतिरिक्त, तो एक प्रशिक्षित पायलट देखील आहे, जो फायटर जेट उडवू शकतो. अजितला बाइक्सचीही खूप आवड आहे. त्याच्याकडे अनेक बाइक्सचे कलेक्शन आहे.
हेही वाचा :