Satish Kaushik : बॉलिवूडमधील प्रसिद्ध अभिनेता सतीश कौशिक (Satish Kaushik) यांचा आज वाढदिवस आहे. 13 एप्रिल 1956 रोजी सतीश यांचा जन्म झाला. चित्रपटांमध्ये सहाय्यक अभिनेता आणि कॉमेडियनची भूमिका साकारणारे सतीश हे त्यांच्या अभिनयानं प्रेक्षकांची नेहमी मनं जिंकतात. त्यांचे चित्रपट प्रेक्षक आवडीनं पाहतात. त्यांनी 1983 मध्ये प्रदर्शित झालेल्या मौसम या चित्रपटामधून अभिनय क्षेत्रात पदार्पण केलं. सतीश हे त्यांच्या वैयक्तिक आयुष्यामुळे नेहमी चर्चेत असतात.
गेल्या वर्षी अभिनेत्री नीना गुप्ता(Neena Gupta) यांचे 'सच कहूं तो' हे पुस्तक लाँच झाले. या पुस्ताकामध्ये नीना यांनी त्यांच्या वैयक्तिक आयुष्याबाबत बरंच काही लिहीले आहे. या पुस्तकामध्ये लिहिले आहे की, सतीश कौशक यांनी नीना यांना प्रपोज केले होते. त्यावेळी नीना या प्रेग्नंट होत्या.
याबाबत एका मुलाखतीमध्ये सतीश यांनी सांगितलं होतं की, ' 1975 पासून नीना आणि माझ्यात मैत्री आहे. आम्ही एकमेकांचे नँसी आणि कौशिकन असं नाव ठेवलं होतं. मी तिच्या कुटुंबाला देखील ओळखत होतो. आम्ही दोघे दिल्ली यूनिवर्सिटीमध्ये एकत्र होतो. तसेच आम्ही नाटकांमध्ये देखील एकत्र काम केले. आम्ही 'जाने भी दो यारो', 'मंडी' आणि 'तेरे संग' या चित्रपटांमध्ये काम केले. पण नंतर आम्ही आमच्या वैयक्तिक आयुष्यामध्ये व्यस्त झालो. नीना गरोदर असताना मला खूप काळजी वाटत होती. जेव्हा मी तिला प्रपोज केलं तेव्हा माझ्या मनामध्ये काळजी, आदर, अशा बऱ्याच भावना होत्या. '
संबंधित बातम्या
- Sonu Nigam On The Kashmir Files : 'म्हणून मी अजूनही द कश्मीर फाइल्स नाही पाहिला...'; सोनू निगमनं सांगितलं कारण
- katrina kaif, Vicky Kaushal : कतरिनाचा एअरपोर्टवरील व्हायरल व्हिडीओ चर्चेत; नेटकरी म्हणाले, 'प्रेग्नंट आहेस का?'
- kgf chapter 2 : केजीएफ-2 च्या दिग्दर्शकाचा गौप्यस्फोट; म्हणाला, 'गोष्टी लिहिताना मी दारू पितो'