Alia-Ranbir Wedding : बॉलिवूडचे स्टार कपल अभिनेता रणबीर कपूर (Ranbir Kapoor) आणि अभिनेत्री आलिया भट्ट (Alia Bhatt) यांनी 14 एप्रिलला लग्नगाठ बांधली आहे. दोघांनीही त्यांचे कुटुंबीय आणि जवळच्या मित्रांच्या उपस्थितीत सात फेरे घेतले. आलिया भट्ट आता अधिकृतपणे ‘मिसेस कपूर’ बनली आहे. आलियाने लग्नानंतर तिचे अनेक फोटो सोशल मीडियावर शेअर केले आहेत. यानंतर सेलिब्रिटींनीही लग्नाच्या फोटोंवर प्रतिक्रिया देताना आलिया-रणबीरला शुभेच्छा दिल्या आहेत. आता सोशल मीडियावर एक व्हिडीओ समोर आला आहे, ज्यामध्ये आलिया-रणबीरच्या लग्नानंतरच्या फॅमिली फोटोंमध्ये ऋषी कपूर देखील दिसत आहेत.


सोशल मीडियावर चर्चेत आलेल्या या व्हिडीओत जो फोटो दिसत आहे, तो एडीटेड फोटो आहे. या फोटोचा हा व्हिडीओ सेलिब्रिटी फोटोग्राफर विरल भयानी यांनीही सोशल मीडियावर शेअर केला आहे. व्हिडीओमध्ये कपूर आणि भट्ट कुटुंबाचा फॅमिली फोटो दिसत आहे, ज्यामध्ये ऋषी कपूर देखील एडिटिंगच्या माध्यमातून या लग्नाच्या फोटोत सामील होताना दिसत आहेत. ऋषी कपूर यांना नीतू कपूर यांच्या शेजारी पाहून रणबीर-आलियाचे चाहते खूप खूश झाले आहेत. स्वतः नीतू कपूर यांनीही हा फोटो त्याच्या इन्स्टाग्राम स्टोरीवर शेअर केला होता. यासह त्यांनी हार्ट इमोजी देखील पोस्ट केल्या होत्या.


पाहा व्हिडीओ :



बॉलिवूड अभिनेते ऋषी कपूर आता या जगात नसतील, पण रणबीर-आलियाच्या लग्नात त्यांची उपस्थिती सतत जाणवत होत. याआधीही आलिया-रणबीरच्या प्री-वेडिंग सोहळ्यात ऋषी कपूर एका खास रुपात दिसले होते. त्यांच्या मेहंदी सोहळ्यात रणबीर कपूरच्या हातात ऋषी कपूर यांचा फोटो दिसला होता. आलिया भट्टने तिच्या प्री-वेडिंग सेरेमनीचे फोटो शेअर केले होते, ज्यामध्ये ऋषी कपूर यांचा फोटो दिसला होता.


हेही वाचा :