Entertainment News Live Updates 13 April : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!

Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.

13/04/2023 14:37:17

Shah Rukh Khan : आर्मी ऑफिसरच्या भूमिकेत पुन्हा झळकण्यासाठी शाहरुख खान सज्ज

Shah Rukh Khan Dunki Movie Update : बॉलिवूडचा बादशाह शाहरुख खान (Shah Rukh Khan) सध्या 'पठाण' (Pathaan) या सिनेमामुळे चर्चेत आहे. त्याचे अनेक बिग बजेट सिनेमे सध्या पाईपलाईनमध्ये आहेत. त्याचा 'डंकी' हा सिनेमा लवकरच प्रदर्शित होणार असून आता या सिनेमासंदर्भात एक नवी अपडेट समोर आली आहे. 'डंकी' या सिनेमात किंग खान आर्मी ऑफिरच्या भूमिकेत दिसणार आहे. 

13/04/2023 13:53:11

Shahid Kapoor : नाकावर जखम, डोळ्यात आग; शाहिद कपूरच्या 'ब्लडी डॅडी'चं पोस्टर आऊट

Shahid Kapoor Bloody Daddy First Look Poster Out : बॉलिवूड अभिनेता शाहिद कपूर (Shahid Kapoor) सध्या चर्चेत आहे. त्याच्या आगामी 'ब्लडी डॅडी' (Bloody Daddy) या सिनेमाचं पोस्टर आता आऊट झालं आहे. या पोस्टरमध्ये शाहिदचा एक वेगळा अवतार पाहायला मिळत आहे. 

13/04/2023 13:13:44

Appi Aamchi Collector : मेहेनत फळास आली, अप्पी आमची कलेक्टर झाली! 16 एप्रिलला रंगणार एक तासाचा विशेष भाग

Appi Aamchi Collector : 'अप्पी आमची कलेक्टर' (Appi Aamchi Collector) ही मालिका अल्पावधीतच प्रेक्षकांच्या पसंतीस उतरली आहे. मालिका सुरू झाल्यापासून अप्पी कधी कलेक्टर होणार याची चाहत्यांना उत्सुकता लागली होती. अखेर आता तो दिवस जवळ आला आहे. मालिकेच्या आगामी भागात अप्पी कलेक्टर झालेली दिसणार आहे. अप्पीचा निकाल येत्या 16 एप्रिलला लागणार असून तिची मेहनत फळास येणार आहे आणि मालिकेच्या आगामी भागात ती कलेक्टर झालेली दिसून येईल. त्यानिमित्ताने अर्जुन, छकुली, दिप्या आणि गर्व गावकरी मिळून तिची मिरवणूक काढणार आहेत. 

13/04/2023 12:09:24

Sanjay Dutt : संजय दत्तने 'केडी'च्या सेटवरील दुखापतीचे वृत्त फेटाळले

Sanjay Dutt On Injured : बॉलिवूड अभिनेता संजय दत्तला (Sanjay Dutt) 'केडी' (KD) सिनेमाच्या शूटिंगदरम्यान गंभीर दुखापत झाली असल्याचं समोर आलं होतं. सोशल मीडियावर संजय दत्तची ही बातमी चांगलीच  व्हायरल झाली होती. संजय दत्तला गंभीर दुखापत झाल्याने चाहते चिंता व्यक्त करत होते. पण अभिनेत्याने आता ट्वीट करत या वृत्तावर खुलासा केला आहे. संजय दत्त म्हणाला,"मी ठीक आणि निरोगी आहे". 

13/04/2023 11:01:59

Satish Kaushik Birth Anniversary : खास मित्राचा वाढदिवस अनुपम खेर धुमधडाक्यात साजरा करणार

Satish Kaushik Birth Anniversary : लोकप्रिय अभिनेते सतीश कौशिक (Satish Kaushik) यांची आज जयंती आहे. आज त्यांच्या जयंतीनिमित्त त्यांचे खास मित्र अनुपम खेर (Anupam Kher) यांनी एक व्हिडीओ शेअर करत सतीश कौशिक यांना श्रद्धांजली वाहिली आहे. सतीश कौशिक यांच्यासोबतचा व्हिडीओ शेअर करत त्यांनी जुन्या आठवणींना उजाळा दिला आहे. 

13/04/2023 10:21:28

Uttara Baokar Passed Away : ; उत्तरा बावकर यांचं निधन

Uttara Baokar Death : राष्ट्रीय पुरस्कार विजेत्या अभिनेत्री उत्तरा बावकर (Uttara Baokar) यांचे निधन झाले आहे. वयाच्या 79 व्या वर्षी त्यांनी अखेरचा श्वास घेतला आहे. गेल्या काही दिवसांपासू त्या दीर्घ आजाराने त्रस्त होत्या. पुण्यातील एका रुग्णालयात त्यांच्यावर उपचार सुरू होते. पण उपचारादरम्यानच त्यांची प्राणज्योत मालवली.

13/04/2023 09:49:53

Aai Kuthe Kay Karte : 'आई कुठे काय करते' मालिकेत आशुतोषच्या बहिणीची एन्ट्री; ईशाला कॅनडाला जाण्यापासून अरुंधती रोखू शकेल?

Aai Kuthe Kay Karte Marathi Serial Latest Update : 'आई कुठे काय करते' (Aai Kuthe Kay Karte) ही छोट्या पडद्यावरची लोकप्रिय मालिका आहे. अल्पावधीतच ही मालिका लोकप्रियतेच्या शिखरावर पोहोचली. अजूनही या मालिकेची क्रेझ कमी झालेली नाही. आता या मालिकेत एक ट्वीस्ट येणार आहे. मालिकेच्या आगामी भागात आशुतोषच्या बहिणीची एन्ट्री होणार आहे. 

13/04/2023 09:25:00

Laal Batti : प्रकाश झा यांनी केली आगामी वेबसीरिजची घोषणा

Nana Patekar Laal Batti Web Series : मराठीसह हिंदी मनोरंजनसृष्टी गाजवणारे अभिनेते नाना पाटेकर (Nana Patekar) आता ओटीटीवर कमबॅक करण्यास सज्ज आहे. प्रकाश झा (Prakash Jha) यांच्या आगामी 'लाल बत्ती' (Laal Batti) या वेबसीरिजमध्ये ते झळकणार आहेत. जियो स्टुडिओजच्या कंटेट स्लेटच्या एका भागात या सीरिजची अधिकृत घोषणा करण्यात आली आहे. 

पार्श्वभूमी

Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.

Juhi Chawla:  ड्रग्स प्रकरणादरम्यान जुही चावलानं केली होती आर्यन खानची मदत

अभिनेत्री जुही चावला (Juhi Chawla) ही शाहरुख खानचा (Shah Rukh Khan) मुलगा आर्यन खानच्या (Aryan Khan) ड्रग्स प्रकरणावेळी खान कुटुंबाच्या पाठीशी उभी राहिली. आर्यन खानच्या सुटकेसाठी जुही चावला ही जामीनदार म्हणून कोर्टात दाखल झाली होती. मुंबईच्या सत्र न्यायालयात आर्यन खानच्या ड्रग्ज प्रकरणी जुहीनं एक लाख रुपयांच्या बाँडवर सही केली. त्यानंतर आर्यन खान तुरुंगातून सुटला. एका मुलाखतीत जुहीनं आर्यनला केलेल्या मदतीबाबत सांगितलं. एका मुलाखतीमध्ये जुहीनं आर्यन आणि शाहरुखला केलेल्या मदतीबद्दल सांगितलं, 'हे सर्व घडणार आहे हे आम्हाला माहित नव्हते पण जेव्हा ते घडले तेव्हा मला वाटले की, मी मदत करू शकते. मला वाटले की मी तेव्हा त्याच्याबरोबर असणे योग्य आहे.'

Salman Khan : सलमान खानच्या 'किसी का भाई किसी जान'च्या अ‍ॅडव्हान्स बुकिंगला सुरुवात!

Salman Khan Kisi Ka Bhai Kisi Ki Jaan Advance Booking : बॉलिवूडचा भाईजान सलमान खान (Salman Khan) चार वर्षांनी रुपेरी पडद्यावर कमबॅक करत आहे. ईदच्या मुहूर्तावर त्याचा आगामी 'किसी का भाई किसी की जान' (Kisi Ka Bhai Kisi Ki Jaan) हा सिनेमा प्रदर्शित होणार आहे. आता या सिनेमाच्या अ‍ॅडव्हान्स बुकिंगलादेखील सुरुवात झाली आहे. 

Anant Ambani Radhika Merchant : अनंत अंबानीने राधिका मर्चंटसोबत दुबईत केलं बर्थडे सेलिब्रेशन

Anant Ambani Birthday Bash With Radhika Merchant : देशातील सर्वात मोठे उद्योगपती म्हणून अंबानी (Ambani) यांची ओळख आहे. नुकताच नीता मुकेश अंबानी कल्चरल सेंटरचा (NMACC) शाही उद्धाटन सोहळा पार पडला. आता अनंत अंबानीने (Anant Ambani) राधिका मर्चंटसोबत (Radhika Merchant) दुबईत (Dubai) बर्थडे सेलिब्रेशन केलं आहे.