Heena Khan: कँन्सर हा आजारच महाभयंकर. शरिराला आतून पोखरून 'एक एक पान गळावया...' अशी अवस्था करून टाकणाऱ्या क्लेषकारक वेदनांशी सध्या अभिनेत्री हिना खान झगडते आहे. या आजारानं केसांनंतर आता तिच्या पापण्याही गळून पडल्या आहेत. यावरच तिनं सध्या एक पोस्ट शेअर केली आहे. यात तिनं डोळ्यावर शिल्लक राहिलेल्या पापणीच्या एका केसाचा फोटा शेअर करत तिच्या चाहत्यांना प्रार्थना करा असं म्हणलंय. तिच्या या पोस्टवर तिच्या चाहत्यांसह नेटकऱ्यांनी तिच्या धाडसीपणाला सलाम केलाय.
काय केली आहे हिना खानने?
सध्या माझ्या प्रेरणेचा स्रोत काय आहे जाणून घ्यायचे आहे का? असा सवाल करत हिना खानने ही पोस्ट केली आहे. एकेकाळी माझ्या डोळ्यांना शोभणाऱ्या सुंदर झूपकेदार पापण्या आहेत. माझ्या शेवटच्या पापण्यांचा हा खडा उभारलेला केस एकटा आणि धाडसी लढवय्या आहे. केमोनंतर माझ्या शेवटच्या चक्रात सिंगल आयलॅश ही माझी प्रेरणा आहे.
कोई ना.. सब ठीक हो जाना है
तिच्या पापणीच्या शेवटच्या केसाचा फोटो पोस्ट करत अभिनेत्री हिना खानने आपल्या कॅन्सरच्या वेदनांना वाट मोकळी करून दिली आहे. या आजाराशी लढण्याची तिची प्रेरणा म्हणजे पापण्याचा राहिलेला हा एकमेव केस असल्याचं तिनं म्हणत कोई ना सब ठीक हो जाना है असा दिलासा दिलाय. तिनं प्रार्थना करा असंही खाली लिहिलंय. यावर द लास्ट लिफ असं लिहिलंय.
या वर्षात हिनाला कॅन्सरची बाधा
हिनाने या वर्षी जुलैमध्ये एका इंस्टाग्राम पोस्टमध्ये तिच्या कर्करोगाच्या निदानाचा खुलासा केला होता . हिना खानच्या विधानाचा एक उतारा वाचला, "सर्वांना नमस्कार, अलीकडील अफवांना संबोधित करण्यासाठी, माझ्यावर प्रेम करणाऱ्या आणि काळजी घेणाऱ्या सर्वांसोबत काही महत्त्वाच्या बातम्या शेअर करायच्या आहेत. मला स्टेज थ्री ब्रेस्ट कॅन्सर झाल्याचे निदान झाले आहे."