Diljit Dosanjh Birthday : बॉलिवूडमधील प्रसिद्ध गायक आणि अभिनेता दिलजीत दोसांझचा (Diljit Dosanjh) आज 38 वा वाढदिवस आहे. पंजाबी आणि हिंदी चित्रपटांमध्ये दिलजीतने काम केले आहे. त्याच्या गाण्यांना आणि अभिनयाला त्याच्या चाहत्यांची विशेष पसंती मिळते. जाणून घेऊयात दिलजीतबद्दल काही खास गोष्टी...
दिलजीतचे शिक्षण दहावी पर्यंतच झाले आहे. काही दिवस दिलजीत पंजाबमधील दोसांझ कलां या गावात शिक्षण घेत होता. त्यानंतर तो लुधियाना येथे गेला. दिलजीतचे वडील पंजाबमध्ये रोडवेजचे काम करत होते. त्यावेळी दिलजीतच्या कुटुंबाची आर्थिक स्थिती ही चांगली नव्हती. त्यामुळे दिलजीत गुरूद्वाऱ्यामध्ये किर्तन करत होता. दिलजीत शास्त्रीय संगीत देखील शिकला आहे. रिपोर्टनुसार, दिलजीत लग्नासोहळ्यामध्ये तसेच कार्यक्रमांमध्ये देखील गाणी गात होता.
2004 मध्ये 'इश्क दा उडा अड्डा' हा दिलजीतचा पहिला अल्बम प्रदर्शित झाला. त्यावेळी या अल्बममधील दिलजीतच्या गाण्यांना प्रेक्षकांची पसंती मिळाली होती. त्यानंतर 2009 मध्ये हनी सिंहसोबतचे गोलिया हे गाणं प्रदर्शित झाले. दिलजीतने अनेक पंजाबी आणि हिंदी चित्रपटांमध्ये काम केले आहे. त्याच्या सूरमा, उडता पंजाब, फिल्लौरी आणि गुड न्यूज या चित्रपटांना प्रेक्षकांची विशेष पसंती मिळाली.
रिपोर्टनुसार, दिलजीत हा 25 मिलीयन डॉलर संपत्तीचा मालक आहे. त्याच्याकडे फरारी, ऑडी, मर्सिडीज आणि वॉल्वो या लग्झरी गाड्या आहेत. तसेच त्याचे मुंबई आणि लंडनमध्ये आलिशान घर आहे.
संबंधित बातम्या
Deepika Padukone : ...म्हणून शूटिंग सेटवर दीपिका घेऊन जाते रंगीत पेन्सिल बॉक्स!
Ankita Lokhande : डिझायनर मनीष मल्होत्राने डिझाइन केला अंकिताचा रॉयल लेहेंगा; 1600 तास सुरु होतं काम
मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह