Chala Hawa Yeu Dya : ‘चला हवा येऊ द्या’च्या (Chala Hawa Yeu Dya) मंचावर आजपर्यंत अनेक दिग्गज मंडळीनी हजेरी लावली आहे. यात बॉलिवूडकरांसोबत अनेक नेतेदेखील सहभागी झाले होते. प्रत्येक वेळी या मंचाने प्रेक्षकांना हास्याची मेजवानी दिली. रविवारी (27 फेब्रुवारी) ‘चला हवा येऊ द्या’चा विशेष भाग प्रसारित झाला. यात भागात अनेक कलाकार मंडळी तर सहभागी झाली होतीच. पण, या भागात खासदार उदयनराजे भोसले (Udayanraje) यांची विशेष उपस्थिती होती.


यावेळी मंचावर धमाल पाहायला मिळाली. या विशेष सोहळ्यात उदयनराजेंनी चक्क हवेतून बाईकवरून एण्ट्री घेतली. यानंतर मंचावर त्यांनी ‘पुष्पा’ स्टाईलमध्ये संवाद बोलून दाखवला. यावेळी उपस्थितांनी टाळ्यांचा गडगडाट केला. मंचावर येताच त्याने प्रथम समोर बसलेल्या त्यांच्या आईंचा आशीर्वाद घेतला.



भाऊ कदमची धमाल कॉमेडी!


यानंतर मंचावर भाऊ कदमची एण्ट्री झाली. यावेळी भाऊ कदम यांनी उदयनराजेंची स्टाईल कॉपी करत, त्यांचा डायलॉग बोलून दाखवला. भाऊ कदम यांनी आपलं जॅकेट उदयनराजेंच्या हटके स्टाईलमध्ये उडवत ‘स्टाईल इज स्टाईल’ हा संवाद देखील स्वतःच्याच शैलीत म्हणून दाखवला. यावेळी समोर बसलेल्या खासदार उदयनराजे भोसले यांनी हसत हसत डोक्यावर हात मारला.  


‘तेरे नाम’मध्ये सलमानने कॉपी केला उदयनराजेंचा डायलॉग!


‘चला हवा येऊ द्या’च्या या विशेष भागात भाऊ कदम यांनी सलमान खानच्या शैलीत तुफान डायलॉगबाजी केली. यावेळी भाऊ म्हणाले की, ‘सलमान तेरे नाममध्ये म्हणयचा की, एक बार जो मैंने कमीटमेंट कर दी, तो मै अपनी आप की भी नही सुनता... हा डायलॉग साहेबांचा आहे. ते म्हणतात, मी एकदाच बोलतो, परत म्हणू नका की बोललो नाही. तेव्हा सलमानने हा डायलॉग कॉपी केला आहे.’  


हेही वाचा :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha