Mike Tyson Caught Wife With Brad Pit In Bedroom: स्टार्स आणि त्यांचे अफेअर्स याच्या चर्चा आपण नेहमीच ऐकतो. जगभरातील दिग्गज अभिनेत्यांच्या यादीत समाविष्ट होणाऱ्या अभिनेत्यांच्या यादीत ब्रॅड पिट (Brad Pitt) सध्या यशस्वी आयुष्य जगत आहे. पण, त्याच्या वैयक्तिक आयुष्याबाबत मात्र नेहमीच चर्चेत असतो. प्रसिद्ध अभिनेत्री जेनिफर ॲनिस्टन (Jennifer Aniston) आणि अँजेलिना जोली (Angelina Jolie) यांच्यासोबत संसार थाटून काडीमोड घेतल्यानंतर सध्या तो सिंगल असल्याचं सांगितलं जात आहे. पण, तुम्हाला माहिती आहे का? कधीकाळी प्रसिद्ध बॉक्सरनं केलेल्या खळबळजनक दाव्यानंतर ब्रॅड पिट पुन्हा एकदा चर्चेत आला होता.
ज्यावेळी ब्रॅड पिट इंडस्ट्रीत नवीन होता, त्यावेळी त्याचं एक अफेअर बरंच चर्चेत आलं होतं. प्रसिद्ध बॉक्सर माइक टायसन यांनी त्यांची पत्नी रॉबिन गिव्हन्स आणि ब्रॅड पिटला बेडरुममध्ये रंगेहाथ पकडलं होतं. याचा खुलासा स्वतः माइक टायसन यांनी केलेला.
प्रसिद्ध बॉक्सर माइक टायसन आणि रॉबिन गिव्हन्स यांनी 1988 मध्ये लग्न केलं. मात्र, त्यांचं लग्न फार काळ टिकलं नाही आणि त्यांनी एकमेकांपासून विभक्त होण्याचा निर्णय घेतला. घटस्फोटावेळी या जोडप्यानं एकमेकांवर अनेक गंभीर आरोप केले होते. दरम्यान, काही वर्षांनी माइक टायसन यांनी त्यांची बायोग्राफी Undisputed Truth मध्ये एक खळबळजनक खुलासा केला होता. माइक यांनी आपल्या बायोग्राफीमध्ये लिहिलं होतं की, रॉबिन गिव्हन्सचं ब्रॅड पिटसोबत प्रेमसंबंध होते. ज्यावेळी माझं लग्न गिव्हन्ससोबत झालं, त्यावेळी तिचं आणि ब्रॅड पिटचं अफेअर सुरू होतं. दोघं फिजिकली एकत्र होते. पण, माइक टायसन यांचा दावा गिव्हन्सनं फेटाळून लावला होता.
माइक टायसन यांनी खुलासा केला की, त्यांनी गिव्हन्सला ब्रॅड पिटसोबत कारमध्ये एकत्र पाहिलं होतं. एवढंच काय तर, माझ्याच बेडरुममध्ये दोघांना मी रंगेहाथ पकडलं होतं, असा दावाही टायसन यांनी केला होता. दरम्यान, गिव्हन्सनं माइक टायसन यांचा दावा फेटाळून लावला होता. गिव्हन्स म्हणाली की, असं काहीच घडलेलं नव्हतं. मी माइत टायसनचं पुस्तक वाचलेलं नाही. हा पण, कारवाली बातमी खरी आहे. पण, त्यानं मला आणि ब्रॅड पिटला बेडरुममध्ये रंगेहाथ पकडलेलं हा दावा अत्यंत खोटा आहे. असं काहीच घडलं नव्हतं.
महत्त्वाच्या इतर बातम्या :