Virat Anushka Praises 83 : Ranveer Singh च्या '83' सिनेमावर विराट म्हणाला...

Virat Anushka Praises 83 : क्रिकेटवर आधारित 83 चित्रपट पाहिल्यानंतर विराट कोहली आणि अनुष्का शर्माने सोशल मीडियावर आपली प्रतिक्रिया दिली आहे.

Virat Anushka Praises 83 : टीम इंडियाचा कर्णधार विराट कोहली (Virat Kohli) आणि त्याची पत्नी अनुष्का शर्माने  (Anushka Sharma) 1983 च्या क्रिकेट विश्वचषकाच्या विजयावर आधारित '83'चे कौतुक केले आहे. '83' सिनेमा 24 डिसेंबरला देशभरातील चित्रपटगृहांमध्ये प्रदर्शित झाला आहे. सिनेमात रणवीर सिंहने कपिल देव यांची भूमिका साकारली आहे. 

विराटने ट्विट करत लिहिले आहे,"भारतीय क्रिकेट इतिहासातील सर्वात प्रतिष्ठित क्षण यापेक्षा चांगले चित्रित करता येणार नाहीत. एक काल्पनिकरित्या बनवलेला चित्रपट जो तुम्हाला 1983 च्या विश्वचषकातील घटना आणि भावनांमध्ये विसर्जित करतो, सर्वांची उत्कृष्ट कामगिरी. 1983 च्या विश्वचषकाच्या विजयावर आधारित घटना सिनेमात उत्तमरित्या दाखवण्यात आल्या आहेत". विराटने रणवीर सिंहचेदेखील कौतुक केले आहे.

 अनुष्का शर्मानेदेखील ट्विट करत लिहिले आहे, '83' सिनेमा भारताच्या क्रीडा इतिहासातील एक जादुई क्षण आहे. नवीन पिढीला या चित्रपटाच्या माध्यमातून अनेक गोष्टी शिकायला मिळणार आहेत.

 या चित्रपटात दीपिका पदुकोण, पंकज त्रिपाठी, बोमन इराणी, साकिब सलीम, हार्डी संधू, ताहिर राज भसीन, जतीन सरना मुख्य भूमिकेत आहे. तर दीपिका या चित्रपटाची सहनिर्मातीदेखील आहे. हा सिनेमा हिंदी, तामिळ, तेलगू, कन्नड आणि मल्याळम भाषेत प्रदर्शित झाला आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha