Bollywood Actor : सिनेसृष्टीत येण्याचं स्वप्न पाहणारे आज हजारो लोक आहेत. स्टार किड नसलेल्या प्रत्येक कलाकाराला इंडस्ट्रीत स्वत:ला सिद्ध करण्यासाठी मोठा संघर्ष करावा लागला आहे. काही मंडळी रातोरात सुपरस्टार्स झालेत तर काहींचा संघर्ष अजूनही सुरू आहे. '12 वीं फेल' (12th Fail) या चित्रपटाच्या माध्यमातून घराघरांत पोहोचलेल्या अभिनेता विक्रांत मेस्सीचादेखील (Vikrant Massey) यात समावेश आहे. विक्रांत मेस्सीचा आज जगभरात मोठा चाहतावर्ग आहे. महाराष्ट्रातील नागभीड या छोट्या गावापासून सुरू झालेला विक्रांतचा प्रवास आहे. शालेय शिक्षण पूर्ण झाल्यानंतर विक्रांतने आपल्या आवडीच्या क्षेत्रात करिअर करण्याचा निर्णय घेतला. अल्पावधीतच तो कोरिओग्राफरचा टीव्ही स्टार बनला. एक काळ असा आला होता की विक्रांतला गर्लफ्रेंडच्या पॉकेटमनीचा वापर करत दिवस घालवावे लागले होते.
17 वर्षांपूर्वी सुरू झाला विक्रांतचा प्रवास
विक्रांत मेस्सी अभिनेता असण्यासोबत एक उत्कृष्ट डान्सरदेखील आहे. वयाच्या सातव्या वर्षी विक्रांतने डान्स आणि नाटक करायला सुरुवात केली. लोकप्रिय कोरियोग्राफर श्यामक डावर यांच्यासोबत त्याने काम केलं आहे. डान्स आणि थिएटरनंतर टीव्ही मालिकांमध्ये काम करण्याची विक्रांतला संधी मिळाली. 'धूम मचाओ धूम' या कार्यक्रमाच्या माध्यमातून विक्रांतच्या करिअरची सुरुवात झाली. त्यानंतर बालिका वधु, बाबा ऐसो वर ढूंढो, कुबूल है, झलक दिखला जा, ये है आशिकी सारख्या मालिकांमध्ये त्याने काम केलं. ओटीटीवरील मिर्जापूर आणि क्रिमिनल जस्टिस या सीरिजमध्ये विक्रांतच्या अभिनयाची झलक पाहायला मिळाली आहे.
गर्लफ्रेंडकडून घेतलेला पॉकेटमनी
विक्रांत मेस्सीने वयाच्या 24 व्या वर्षी टीव्ही विश्वात चांगलीच लोकप्रियता मिळवली होती. महिन्याला त्याला 35 लाख रुपये मिळत होते. पण छोटा पडद्यावर त्याला रमायचं नव्हतं. पुढे मालिकाविश्वाला रामराम करत त्याने रुपेरी पडदा गाजवण्याचा निर्णय घेतला. याकाळात त्याची सर्व सेव्हिंग संपली. दरम्यान गर्लफ्रेंड शीतलकडून त्याला पॉकेटमनी घ्यावा लागला होता.
विक्रांत मेस्सी आज आघाडीचा अभिनेता आहे. अनेक सुपरहिट मालिका, चित्रपट आणि वेब सीरिजमध्ये त्याने काम केलं आहे. विक्रांतने दीपिका पादुकोणच्या 'छपाक' या चित्रपटात काम केलं आहे. या सिनेमातील त्याच्या कामाचं चांगलच कौतुक झालं होतं. आता विक्रांतच्या आगामी चित्रपटांची, वेबसीरिजची चाहत्यांना उत्सुकता आहे. छोट्या पडद्यासह ओटीटीपर्यंत विक्रांतने आपल्या अभिनयाची छाप पाडली आहे. विक्रांतचा '12th Fail' हा चित्रपट सुपरहिट ठरला. या चित्रपटात त्याने IPS मनोज कुमार शर्माची (IPS Manoj Sharma) भूमिका साकारली होती.
संबंधित बातम्या