Katrina Kaif Video : विकी-कतरिनाच्या लग्नासोहळ्यामुळे मंदिराकडे जाणारा रस्ता ब्लॉक; स्थानिकांची तक्रार

Katrina Vicky Wedding : कतरिना कैफ, विकी कौशल, हॉटेल व्यवस्थापक, जिल्हाधिकारी यांच्या नावाचा तक्रारीत समावेश आहे.

Katrina Vicky Wedding Event : जयपूरमधील चौथ माता मंदिराकडे जाणारा रस्ता अडवल्याबद्दल कतरिना कैफ Katrina Kaif) , विक्की कौशल (Vicky Kaushal), हॉटेल व्यवस्थापक आणि जिल्हाधिकाऱ्यांविरोधात तक्रार दाखल करण्यात आली आहे. सवाई माधोपूरच्या किल्ल्याकडे जाणारा हा रस्ता आहे.  राजस्थान सवाई माधोपूर येथे 7 ते 9 डिसेंबर दरम्यान कतरिना आणि विकीचा लग्नसोहळा पार पडणार आहे. किल्ल्यासमोरील या रस्त्यावर प्रचंड वर्दळ असते. वकील नेत्रबिंदु सिंह जदौन यांनी या प्रकरणी तक्रार दिली आहे.

कतरिना कैफ, विकी कौशल, हॉटेल व्यवस्थापक, जिल्हाधिकारी यांच्या नावाचा तक्रारीत समावेश आहे. कतरिना कैफ, विकी कौशल, हॉटेल मॅनेजर आणि जिल्हाधिकारी यांच्या नावाचा तक्रारीत समावेश आहे. जिल्हा विधी सेवा प्राधिकरणात दिलेल्या तक्रारीत चौथ माता मंदिरात दर्शनासाठी येणाऱ्या भाविकांचा हवाला दिला आहे. यासोबतच कतरिना-विकीच्या लग्नात सामाईक मार्ग सुरळीत ठेवण्याची मागणीही करण्यात आली आहे.

विकी कौशल आणि कतरिना कैफ लग्नासाठी राजस्थानला रवाना झाले आहेत. जोधपूरला जात असताना दोघेही विमानतळावर दिसून आले आहेत. विमानतळावर दोघांनी फोटोसाठी छान पोझदेखील दिल्या आहेत. फोटोत दोघेही आनंदात दिसत आहेत. विकी कौशल आणि कतरिना कैफच्या लग्नासाठी त्यांच्या चाहत्यांमध्ये उत्सुकता दिसत आहे. लग्नसोहळ्यातील प्रत्येक क्षण जाणून घेण्यासाठी चाहते उत्सुक आहेत.

कतरिना आणि विकीच्या लग्नाच्या तयारीचे फोटोदेखील समोर आले आहेत. कतरिना आणि विकीचा विवाह सोहळा 700 वर्षे जुन्या राजस्थानमधील किल्ल्यात पार पडणार आहे. विवाहासाठी सवाई माधोपूर येथील एक रिसॉर्ट बुक करण्यात आला आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha