Urfi Javed Bollywood Debut : आपल्या हटके फॅशन स्टाईलमुळे चर्चेत असणाऱ्या उर्फी जावेदच्या (Urfi Javed) चाहत्यांसाठी एक आनंदाची बातमी आहे. उर्फी जावेद लवकरच बॉलिवूड सिनेमात झळकणार असल्याची चर्चा आहे. एकता कपूरच्या (Ekta Kapoor) आगामी सिनेमासाठी उर्फीला विचारणा झाल्याचं म्हटलं जात आहे.
ईटाइम्सने दिलेल्या बातमीनुसार, एकता कपूरच्या (Ekta Kapoor) आगामी 'लव्ह सेक्स और धोका 2' (Love Sex Aur Dhokha 2) या सिनेमासाठी उर्फीला विचारणा झाली आहे. या सिनेमात उर्फी मुख्य भूमिकेत झळकणार आहे. या सिनेमाच्या माध्यमातून उर्फी बॉलिवूडमध्ये पदार्पण करण्यास सज्ज आहे.
उर्फी बॉलिवूडमध्ये पदार्पण करणार असल्याने तिच्या चाहत्यांचा आनंद गगनात मावेनासा झाला आहे. पण अद्याप 'लव्ह सेक्स और धोखा 2'च्या निर्मात्यांनी किंवा उर्फीने अधिकृतरित्या याबद्दल भाष्य केलंलं नाही. लवकरच ती चाहत्यांना यासंदर्भात माहिती देईल, असे म्हटले जात आहे.
उर्फीने काही दिवसांपूर्वी 'लव्ह सेक्स और धोखा 2' या सिनेमाचं एक पोस्टर इंस्टास्टोरीवर शेअर केलं होतं. हे पोस्टर शेअर करत त्यांनी लिहिलं होतं,"जेव्हा तुम्हाला लाइक्स आणि रिपोस्ट करता येतील तेव्हा तुम्हाला गुलाब आणि चॉकटेलट मिळेल". 'लव्ह सेक्स और धोखा 2' हा सिनेमा 16 फेब्रुवारी 2023 रोजी प्रेक्षकांच्या भेटीला येणार आहे.
'लव्ह सेक्स और धोखा 2' या सिनेमात उर्फी जावेदसह 'बिग बॉस 16' फेम निमृत कौर अहलूवालियादेखील दिसणार आहे. 2010 मध्ये आलेल्या 'LSD' या सिनेमाचा हा सीक्वेल असणार आहे. 'लव्ह सेक्स और धोखा' या सिनेमात राजकुमार राव, नुसरत भरुचा आणि अंशुमान झा महत्त्वाच्या भूमिकेत दिसून आले होते.
उर्फी जावेदबद्दल जाणून घ्या... (Who Is Urfi Javed)
आपल्या हटके फॅशन स्टाईलमुळे उर्फी जावेद कायम चर्चेत असते. सोशल मीडियावर तिचे वेगवेगळ्या लुकमधील फोटो आणि व्हिडीओ व्हायरल होत असतात. छोट्या पडद्यावरील लोकप्रिय अभिनेत्रींच्या यादीत उर्फीचा समावेश आहे. 'मेरी दुर्गा' आणि 'ये रिश्ता क्या कहलाता है' या मालिकांमध्ये उर्फीने काम केलं आहे. पण करण जोहरच्या (Karan Johar) 'बिग बॉस ओटीटी' या कार्यक्रमामुळे उर्फीला खऱ्या अर्थाने लोकप्रियता मिळाली आहे.
संबंधित बातम्या