TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या

एबीपी माझा वेब टीम Updated at: 28 Feb 2022 08:53 PM (IST)

Edited By: मंजिरी पोखरकर

Entertainment News : दिवसभरातील पाच महत्त्वाच्या मनोरंजनविषयक बातम्यांचा घेतलेला आढावा.

TOP_5_Entertainment_News

TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या -

विद्या बालनचा 'जलसा' लूक प्रेक्षकांच्या भेटीला

बॉलिवूड अभिनेत्री विद्या बालनच्या आगामी 'जलसा' सिनेमाची रिलीज डेट जाहीर झाली आहे. हा सिनेमा 18 मार्च रोजी प्राईम व्हिडीओवर प्रदर्शित होणार आहे. यासोबतच विद्या बालन आणि शेफाली शाह या दोन्ही अभिनेत्रींचा फर्स्ट लूकही निर्मात्यांनी रिलीज केला आहे. 18 मार्चला होळीच्या मुहूर्तावर हा सिनेमा प्रेक्षकांच्या भेटीला येणार आहे.

दुसऱ्या आठवड्यातही 'पावनखिंड' सिनेमाचा बॉक्स ऑफिसवर धुमाकूळ

'पावनखिंड' सिनेमा प्रेक्षकांच्या पसंतीस पडत आहे. दुसऱ्या आठवड्यातही हा सिनेमा बॉक्स ऑफिसवर धुमाकूळ घालतो आहे. या सिनेमाने पहिल्या आठवड्यात 12.17 कोटींची कमाई केली आहे. तर विकेंण्डला शुक्रवारी 1.02 कोटी, शनिवारी 1.55 कोटी आणि शनिवारी 1.97 कोटींची कमाई केली आहे. त्यामुळे आतापर्यंत या सिनेमाने बॉक्स ऑफिसवर 16.71 कोटींचा गल्ला जमवला आहे.

'कच्चा बदाम', 'बचपन का प्यार'पासून 'ढिंच्याक पूजा'पर्यंत 'हे' कलाकार रातोरात झाले स्टार

अनेक कलाकारांना सोशल मीडियामुळे लोकप्रियता मिळत आहे. त्यामुळे हे कलाकारमंडळी रातोरात सेलिब्रिटी झाले आहेत. अशा रातोरात सेलिब्रिटी होणाऱ्या कलाकारांची संख्या दिवसेंदिवस वाढत आहे. अनेक वर्षांच्या मेहनतीशिवाय हे कलाकार रातोरात स्टार झाले आहेत. सध्या 'बदाम... बदाम... कच्चा बदाम' गाणे गात शेंगदाणे विकणारा भुवन बडायकर चर्चेत आहे. 2021 मध्ये सोशल मीडियावर 'बचपन का प्यार' फेम सहदेव दिरदोचा बोलबाला होता. 2017 सालापासून ढिंच्याक पूजा तिच्या गाण्यामुळे लोकप्रिय झाली आहे. लता मंगेशकरांचे 'प्यार का मगमा' गाणे गात रानू मंडलदेखील रातोरात स्टार झाली आहे.

'हे' बिग बजेट सिनेमे मार्चमध्ये होणार प्रदर्शित

कोरोनाचा प्रादुर्भाव कमी होत असल्याने अनेक निर्माते त्यांच्या सिनेमांच्या रिलीज डेट जाहीर करत आहेत. नुकताच आलिया भट्टचा 'गंगूबाई काठियावाडी' सिनेमा प्रेक्षकांच्या भेटीला आला आहे. मार्चमध्ये 'झुंड', 'तुलसीदास ज्युनियर', 'राधे श्याम', 'द काश्मीर फाइल्स', 'बच्चन पांडे' आणि 'आरआरआर' सिनेमा प्रदर्शित होणार आहे.

कंगना रनौतच्या 'धाकड'ची रिलीज डेट जाहीर

बॉलिवूड अभिनेत्री कंगना रनौत सध्या लॉकअपमुळे चर्चेत आहे. अशातच तिच्या आगामी 'धाकड' सिनेमाची रिलीज डेट जाहीर झाली आहे. कंगना रनौतचा 'धाकड' सिनेमा 27 मे 2022 रोजी प्रदर्शित होणार आहे. कंगनाचा 'धाकड' सिनेमा हिंदीसह तामिळ, तेलुगू आणि मल्याळम भाषेत प्रदर्शित होणार आहे.

संबंधित बातम्या