The up files Movie Box Office Collection : मनोज जोशी, मंजरी फडनीस आणि मिलिंद गुणाजी यांसारख्या कलाकारांच्या अभिनयाने सजलेला सिनेमा "द यूपी फाइल्स" (The UP Files) सिनेमाची बॉक्स ऑफिसवर यशस्वी घोडदौड सुरु आहे. या सिनेमाने पहिल्याच आठवड्यात कोट्यवधींची कमाई केली आहे. दुसऱ्याच दिवशी या सिनेमाने जवळपास 3 कोटी रुपयांचा गल्ला जमावला. उत्तर प्रदेशचे मुख्यमंत्री योगी आदित्यनाथ (yogi adityanath) यांच्यावर हा सिनेमा आधारित असून अभिनेते मनोज जोशी यांनी योगी आदित्यनाथ यांची भूमिका साकारली आहे.
मुख्यमंत्री योगी आदित्यनाथ यांच्यावर द युपी फाईल्स हा सिनेमा आधारित आहे. संपूर्ण भारतात 400 पेक्षा जास्त सिनेमागृहांमध्ये हा चित्रपट दाखवला जात आहे ज्यामध्ये मल्टिप्लेक्स आणि सिंगल स्क्रीन दोन्ही आहेत. सिंगल स्क्रीनमध्ये प्रेक्षकांची प्रचंड गर्दी दिसून येत आहे. फक्त उत्तर प्रदेशात 100 पेक्षा जास्त सिनेमागृहांमध्ये हा चित्रपट चालत आहे. अहमदाबाद, चेन्नई, उदयपूरमध्ये प्रेक्षक मोठ्या संख्येने चित्रपट पाहत आहेत.
सिनेमाचं बॉक्स ऑफिस कलेक्शन किती?
या सिनेमाने पहिल्याच दिवशी, 2.5 कोटी रुपयांची कमाई केली होती. त्यानंतर दुसऱ्या दिवशी 3 कोटी रुपयांची कमाई केली आणि तिसऱ्या दिवशी 4 कोटी 25 लाख रुपयांचा गल्ला या सिनेमाने जमावला. दरम्यान हा सिनेमा चित्रपट दुसऱ्या आठवड्यातही 100 पेक्षा जास्त सिनेमागृहांमध्ये चालत आहे. उत्तर प्रदेशात या सिनेमाला तुफान प्रतिसाद मिळत असल्याचं पाहायला मिळतंय.
हे कलाकार सिनेमात
चित्रपट "द यूपी फाइल्स" मध्ये सर्व कलाकारांचा अभिनय प्रेक्षकांना आवडत आहे. दिग्दर्शक नीरज सहाय यांची कथा सांगण्याची कला आणि सादरीकरण लोकांना आकर्षित करत आहे. निर्माता कुलदीप उमरावसिंह ओस्टवाल यांच्या पहिल्या प्रयत्नाला अपार प्रशंसा मिळत आहे. चित्रपटात मनोज जोशी, मंजरी फडनीस, मिलिंद गुणाजी यांच्या व्यतिरिक्त अवतार गिल, अली असगर, शाहबाज खान, अनिल जॉर्ज, अमन वर्मा आणि अशोक समर्थ यांसारखे अनुभवी कलाकार आहेत.