Telly Masala : रामायणचं पोस्टर रिलीज ते पुष्पा 2 मुळे छावाची रिलीज डेट बदलणार; जाणून घ्या मनोरंजन सृष्टीसंदर्भात महत्वाच्या बातम्या

Telly Masala : मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मनोरंजनसृष्टीसंबंधित बातम्या...

Telly Masala : मनोरंजनसृष्टी पुन्हा बहरली आहे. वेगवेगळ्या दर्जाची नाटकं (Drama), मालिका (Serial), चित्रपट (Movies) आणि वेब सीरिज (Web Series) प्रेक्षकांच्या भेटीला येत आहेत. जगभरातील प्रेक्षकांना मराठीसह विविध कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मनोरंजनसृष्टीसंबंधित बातम्या...

सलमान खानचे 8 वन नाइट स्टँड, एक्स गर्लफ्रेंडचा मोठा दावा; शारीरिक शोषण केल्याचा अभिनेत्रीचा आरोप

Somy Ali Alligations On Salman Khan : बॉलिवूड सुपरस्टार सलमान खान लॉरेन्स बिश्नोई गँगच्या निशाण्यावर असल्याने चर्चेत आहेत. बाबा सिद्दीकी यांची हत्या आणि बिश्नोई गँगच्या धमक्यांच्या पार्श्वभूमीवर सलमानच्या सुरक्षेत वाढ करण्यात आली आहे. सलमान खानला वारंवार बिश्नोई गँगच्या धमक्या येत असताना आता त्याचा अडचणीत आणखी वाढ होण्याची शक्यता आहे. सलमान खानची एक्स-गर्लफ्रेंड सोमी अलीने त्याच्यावर गंभीर आरोप केले आहेत. सोमी अलीने सलमान खानचं वर्तन आणि महिलांसोबतचे संबंध याबाबत गंभीर आरोप केले आहेत. सलमान खानच्या असुरक्षिततेमुळे लोक तिच्याशी बोलायचे नाहीत, असंही सोमीने सांगितलं. सलमानच्या वन नाईट स्टँडमुळे ती नाराज असल्याने तिने फिल्म इंडस्ट्री सोडण्याचा निर्णय घेतल्याचंही तिने सांगितलं आहे.

Chhaava vs Pushpa 2 : विकी कौशलने घेतला 'पुष्पा 2' चा धसका? टक्कर रोखण्यासाठी बदलणार 'छावा' चित्रपटाची रिलीज डेट

Chhaava Movie Release Date : बॉलिवूड अभिनेता विकी कौशलच्या आगामी 'छावा' चित्रपटाची प्रेक्षक आतुरतेने वाट पाहत आहेत. छावा हा 2024 मधील मोस्ट अवेटेड चित्रपटांपैकी एक आहे. या पीरियड ड्रामा चित्रपटात विकी कौशल वेगळ्या अवतारात दिसणार आहे. विकी कौशलच्या छावा चित्रपटाची घोषणा झाल्यापासूनच याच्या प्रत्येक अपडेटकडे चाहते डोळे लावून बसले आहेत. विकी कौशलचा छावा चित्रपट 6 डिसेंबरला रिलीज होणार आहे. महत्त्वाचं म्हणजे याचं दिवशी सुपरस्टार अल्लू अर्जुनचा पुष्पा 2 : द रुल चित्रपट प्रदर्शित होणार आहे. त्यामुळे सिंघम अगेन आणि भूल भुलैया 3 नंतर आता बॉक्स ऑफिसवर आणखी दोन बिग बजेच चित्रपटांची टक्कर होण्याची शक्यता आहे.

Ramayan: रणबीर कपूरच्या रामायणाची पहिली झलक आली, चित्रपटाचे दोन्ही भाग कधी येणार?

Ramayan: बॉलिवूडूमध्ये सध्या चर्चा सध्या सुरु आहे ती रणबीर कपूरच्या रामायण या चित्रपटाची. या सिनेमाचा पहिला लूक आल्यापासून प्रेक्षकांमध्ये या चित्रपटाबद्दल कुतुहल वाढले आहे. आता या चित्रपटाबद्दल एक नवी अपडेट समोर आली आहे. नमित मल्होत्राचं दिग्दर्शन असणाऱ्या या फिल्मचे दोन पार्ट येत्या दिवाळीमध्ये म्हणजेच 2026 च्या दिवाळीत आणि 2027 च्या दिवाळीत दुसरा भाग प्रदर्शित होणार असल्याचं सांगण्यात आलं आहे. या चित्रपटाची पहिली झलक समोर आहेत.

दिलजीत दोसांझचा कॉन्सर्ट संपताच उडाला गोंधळ; शेकडो मोबाईल चोरीला, गर्दीत संधी साधत चोरट्यांचा डल्ला

Diljit Dosanjh Jaipur Concert Theft : पंजाबी गायक आणि अभिनेता दिलजीत दोसांझ याचे देशविदेशात लाखो चाहते आहेत. दिलजीतच्या कॉन्सर्टची चाहते आतुरतेने वाट पाहत असतात. नुकताच जयपूरमध्ये त्याचा कॉन्सर्ट मोठ्या उत्साहात पार पडला. यावेळी कॉन्सर्टला आलेल्या चाहत्यांना मात्र मोठा फटका बसला. दिलजीतच्या कॉन्सर्टच्या गर्दीत चोरांनी चांगलाच हात साफ करुन घेतला. कॉन्सर्टनंतर अनेक चाहत्यांचे फोन चोरीला गेल्याची धक्कादायक भटना समोर आली. कॉन्सर्ट संपल्यानंतर एकच गोंधळ उडाला, यावेळी चोरांनी संधी साधत गर्दीतील लोकांचे फोन चोरले. कॉन्सर्टनंतर 100 हून अधिक जणांचे मोबाईल फोन चोरीला गेल्याची माहिती आहे. याप्रकरणी अनेकांनी एफआयआरही दाखल केले आहेत.

बॉलिवूड अभिनेत्रीचं अमेरिकेच्या राष्ट्राध्यक्षांच्या निवडणुकीत मतदान, भारतीय नसल्याचं सत्य समोर येताच चाहत्यांना बसला धक्का

Bollywood Actress Voted in Us Presidential Election : बॉलिवूडमध्ये फक्त देशातीलच नाही तर विदेशातील अनेक कलाकारांनीही  नाव कमावलं आहे. अनेक बॉलिवूड सेलिब्रिटींचा जन्म जरी दुसऱ्या देशात झाला असला, तरी त्यांनी नाव आणि प्रसिद्धी भारतात कमावली आहे. काही बॉलिवूड सेलिब्रिटींची जन्मभूमी भारत नसला तरी कर्मभूमी भारत आहे. अशा सेलिब्रिटींकडे भारतीय नागरिकत्व नाही, त्यामुळे निवडणुकीच्या वेळी त्यांना भारतात मतदान करता येत नाही. अशा वेळी ते स्टार्स ट्रोलही होतात. आज आम्ही तुम्हाला अशाच एका अभिनेत्रीबद्दल सांगणार आहोत. जिने नुकत्याच पार पडलेल्या अमेरिकन राष्ट्राध्यक्षाच्या निवडणुकीत मतदान केलं आहे. 

विधानसभेच्या धामधूमीत 'वर्गमंत्री' निवडणुकीचा कल्ला; खास रे टीव्हीच्या नव्याकोऱ्या वेब सीरिजचा ट्रेलर लॉन्च

Vargamantri Trailler Lanch : राज्यात विधानसभा निवडणुकांची (Maharashtra Assembly Election 2024) चुरस पाहायला मिळत आहे. इथे राज्याचा मुख्यमंत्री कोण? यासाठी निवडणुका घेतल्या जात आहेत. तर, अशीच दुसरी निवडणूक पार पडणार आहे. बरोबर ऐकलंत, राज्यात दुसरी निवडणूक पार पडणार आहे. शाळेतला वर्गमंत्री निवडण्यासाठी एक निवडणूक होणार आहे. मराठी कन्टेट क्रिएटर खास रे टीव्ही यांच्यातर्फे वर्गमंत्री या वेब सीरिजची (Web Series) निर्मिती करण्यात आली आहे. अक्षया देवधर (Akshaya Deodhar), अविनाश नारकर (Avinash Narkar), नेहा शितोळे यांच्यासह अनेक सेलिब्रिटी या वेब सीरिजमध्ये झळकणार आहेत. या वेब सीरिजचा ट्रेलर नुकताच सोशल मीडियावर प्रदर्शित करण्यात आला आहे. 8 नोव्हेंबरपासून ही वेबसेरीज आपल्या भेटीला येणार आहे.                                  

Must Watch Series On NETFLIX: मनी हाईस्ट आणि स्क्विड गेम्सनंतर Netflix वर सर्वाधिक पसंती मिळालेले 8 थ्रिलर शो; List झटपट सेव्ह करा!

Must Watch Series On NETFLIX: Netflix वर Thriller Shows ची एक लांबलचक मोठी लिस्ट आहे. पण काही शो असे आहेत, ज्यांनी प्रेक्षकांच्या मनात खास स्थान निर्माण केलं आहे. जर तुम्ही 'मनी हाईस्ट' आणि 'स्क्विड गेम' सारख्या शोचे फॅन असाल, तर येत्या विकेंडला पाहण्यासाठी 8 थ्रीलर शोजची लिस्ट सेव्ह करुन ठेवा. 

Bollywood Actress Kissa: एक छोटसं कारण अन् श्रीदेवींनी धुडकावली 1000 कोटींची फिल्म; नंतर 'तोच' चित्रपट ठरला ब्लॉकबस्टर

Bollywood Actress Kissa: बॉलिवूडमधील (Bollywood) पुरुष सुपरस्टार्सचा काळ खूप जुना आहे. पण महिला सुपरस्टार्सचं युग सुरू करण्यात श्रीदेवी (Sridevi) यांनी महत्त्वाची भूमिका बजावली आहे. श्रीदेवी यांचा अभिनय आणि त्यांचं सौंदर्य इतकं अप्रतिम की, दक्षिण भारतीय चित्रपट प्रेक्षकही त्यांच्या प्रेमात पडले. तेव्हाच काय आज त्या आपल्यात नसल्या तरीदेखील, अनेकांच्या गळ्यातील ताईत आहेत, श्रीदेवी. अमिताभ बच्चन, जितेंद्र आणि मिथुन चक्रवर्ती सारख्या नायकांच्या युगात, श्रीदेवी या एकमेव महिला सुपरस्टार होत्या, ज्यांचे चित्रपट फक्त त्यांच्या नावानेच हिट व्हायचे. काही चित्रपट असे होते, जे त्या काळात फक्त त्यांना डोळ्यासमोर ठेवून बनवले गेले होते. त्याकाळा श्रीदेवी हे नाव अशा टप्प्यावर पोहोचलेलं की, चित्रपटाचे दिग्दर्शक आणि नावापेक्षाही त्या चित्रपटात श्रीदेवी आहे असं कळालं की, समजून ज्यायचं की, हा चित्रपट सुपरडुपर हिट होणार... पण त्याच काळात श्रीदेवी यांनी तब्बल हजार कोटींचा चित्रपट नाकारला होता. आणि तोच चित्रपट पुढे जाऊन सुपरडुपर हिट ठरला. 

चित्रपटाला मिळालेल्या निगेटिव्ह रिस्पॉन्समुळे भुल भूलैयाच्या दिग्दर्शकावर आलेली रुग्णालयात भरती होण्याची वेळ, काय घडलेलं?

Bhool Bhulaiya 3: 'भूल भुलैया 3' दिग्दर्शक अनीस बज्मी यांनी 'एंट्री', 'वेलकम' आणि 'सिंग इज किंग'सह अनेक कॉमेडी चित्रपट बनवले आहेत. हे तिन्ही चित्रपट बॉलिवूडचे धमाकेदार चित्रपट ठरले. सध्या बज्मींचा 'भूल भुलैया 3' बॉक्स ऑफिसवर धुमाकूळ घालत आहे. याबाबत बोलताना दिग्दर्शक बज्मी म्हणालेले की, जरी हे चित्रपट उत्तम आणि ब्लॉकबस्टर ठरले, तरीसुद्धा यापैकी काही चित्रपटांना सुरुवातीला फारसा रिस्पॉन्स मिळाला नव्हता. अशाच एका चित्रपटाबाबत सांगताना बज्मी यांनी सांगितलं की, ज्यावेळी या चित्रपटाला सुरुवातील चांगला रिस्पॉन्स मिळाला नाही, त्यावेळी ते डिप्रेशनमध्ये गेले होते. ते एवढे दुखावले गेले होते की, त्यांना रुग्णालयात दाखल करावं लागलं होतं.