Sushmita Sen Taali Trailer Out: अभिनेत्री सुष्मिता सेनच्या (Sushmita Sen) 'ताली' (Taali) या वेब सीरिजचा ट्रेलर प्रेक्षकांच्या भेटीस आला आहे. या ट्रेलरमध्ये सुष्मिता ही गौरी या ट्रान्सजेंडरच्या भूमिकेत दिसत आहे. एका व्यक्तीचा गणेश ते गौरी होण्यापर्यंतचा प्रवास ताली या वेब सीरिजमध्ये दाखवण्यात येणार आहे, असा अंदाज हा ट्रेलर पाहिल्यानंतर लावला जाऊ शकतो.
'मैं गौरी, ये कहानी मेरे जैसे कई लोगों की है. क्योंकि ये गौरी भी कभी गणेश था.' हा डायलॉग ताली या वेब सीरिजच्या सुरुवातीला ऐकू येतो. ताली वेब सीरिजच्या ट्रेलरमध्ये एका व्यक्तीच्या भावना दाखवण्यात आल्या आहेत. ट्रेलरमध्ये दिसते की, एका शाळेतील मुलाला प्रश्न विचारण्यात येतो की, 'तुला मोठेपणी काय व्हायचं आहे? या प्रश्नाचं उत्तर तो मुलगा, 'मला आई व्हायचं आहे' असं देतो. त्यानंतर वर्गातील इतर मुलं त्याच्या बोलण्यावर हसतात. वर्गातील शिक्षिका त्या मुलाला सांगते की, 'पुरुष कधी आई होऊ शकत नाही'.
पाहा ट्रेलर:
ताली वेब सीरिजच्या ट्रेलरमध्ये सुष्मिता सेनचा डायलॉग ऐकू येतो, 'जिस देश में कुत्तों तक का सेंसेस होता है पर ट्रांसजेंडर्स का नहीं! ऐसे लोगों के बीच जीना, दॅट इस स्केरी..' ताली वेब सीरिजच्या ट्रेलरला सध्या नेटकऱ्यांची पसंती मिळत आहे. ट्रेलरमधील सुष्मिताच्या अभिनयानं अनेकांचे लक्ष वेधले आहे. ताली या वेब सीरिजची प्रेक्षक उत्सुकतेने वाट बघत आहेत.
सुष्मिता सेननं ताली या वेब सीरिजचा ट्रेलर सोशल मीडियावर शेअर केला आहे. या ट्रेलरला तिनं कॅप्शन दिलं, 'गौरी आली. आपल्या स्वाभिमान, आदर आणि स्वातंत्र्याची कथा घेऊन. ताली - बजाएंगे नही, बजवाएंगे!' सुष्मितानं शेअर केलेल्या ट्रेलरवर नेटकऱ्यांनी लाइक्स आणि कमेंट्सचा वर्षाव केला आहे.
कधी रिलीज होणार ताली?
सुष्मिता सेनची ताली ही वेब सीरिज 15 ऑगस्ट रोजी रिलीज होणार आहे. या सीरिजमधील गौरीची कथा पाहण्यास प्रेक्षक उत्सुक आहेत. काही दिवसांपूर्वी या सीरिजचा टीझर देखील प्रेक्षकांच्या भेटीस आला होता.
संबंधित बातम्या