Stree 2 Box Office Collection Day 20 : बॉलिवूड अभिनेत्री श्रद्धा कपूर आणि अभिनेता राजकुमार राव यांच्या हॉरर-कॉमेडी 'स्त्री 2' चित्रपटाची क्रेझ अद्यापही कमी झालेली नाही. 'स्त्री 2' चित्रपट सुपरहिट ठरला असून या चित्रपटाने कमाईचे सर्व विक्रम मोडले आहेत. रिलीजच्या 20 दिवसांनंतर स्त्री चित्रपटाची बॉक्स ऑफिसवरील घोडदौड सुरुच आहे. 'स्त्री 2' चित्रपटाने कमाईच्या बाबतीत प्रभास आणि दीपिकाच्या कल्कि 2898 एडी चित्रपटालाही मागे टाकलं आहे.
स्त्री 2 चित्रपटाने कमाईच्या बाबतीत रचला नवा रेकॉर्ड
'स्त्री 2' चित्रपटाने (Stree 2 Box Office Collection) तीन आठवड्यांत 450 कोटींहून अधिक रेकॉर्डब्रेक कमाई केली आहे. चित्रपटगृहांमध्ये अजूनही 'स्त्री 2' चित्रपटाची क्रेझ पाहायला मिळत आहे. स्त्री 2 चित्रपटाने बॉक्स ऑफिसवर भरघोस कमाई केली आहे. चित्रपटातील श्रद्धा कपूर आणि राजकुमार राव यांची पुन्हा एकदा प्रेक्षकांच्या पसंतीस उतरली असून यासोबतच पंकज त्रिपाठी आणि अभिषेक बॅनर्जी यांच्या कॉमेडीनेही सर्वांची मने जिंकली आहेत. स्त्री चित्रपटाने रिलीजच्या 20 व्या दिवशीही विक्रमी कलेक्शन केलं आहे.
स्त्री 2 चित्रपटाचं एकूण कलेक्शन किती?
Sacnilk च्या रिपोर्टनुसार, स्त्री चित्रपटाने रिलीजच्या 20 व्या दिवशी सुमारे 6 कोटी रुपये कमाई केली आहेत. स्त्री 2 चित्रपटाचं 20 दिवसांचं एकूण कलेक्शन 492.80 कोटी झालं आहे. 20व्या दिवशी कल्कीने तमिळ, तेलगू, हिंदी, कन्नड आणि मल्याळममध्ये मिळून 5.1 कोटींची कमाई केली होती. स्त्री चित्रपटाने कल्कि 2898 एडी चित्रपटाला मागे टाकलं आहे. स्त्री 2 चित्रपटाने जगभरात 700 कोटी रुपयांचा आकडा पार केला आहे. या चित्रपटाने आतापर्यंत जगभरात 710 कोटींची कमाई केली आहे.
‘स्त्री 2’ने ‘कल्कि 2898 एडी’ला टाकलं मागे
'स्त्री 2' चित्रपटाने रिलीजच्या तिसऱ्या आठवड्यातही अनेक विक्रम आपल्या नावावर केले आहेत. 'स्त्री 2' चित्रपटाने 2024 वर्षातील सर्वाधिक कमाई केलेल्या कल्की चित्रपटालाही मागे टाकलं आहे. स्त्रीने कमाईच्या बाबतीत प्रभासच्या 'कल्की 2898 एडी'ला मागे टाकत नवा विक्रम केला आहे. स्त्री 2 चित्रपटाने रिलीजच्या 20 दिवसांनंतर जगभरात 700 कोटींचं कलेक्शन केलं आहे. कल्कि चित्रपटाला 20 दिवसांनंतर सुमारे 588 कोटीचा टप्पा गाठता आला होता. मात्र, स्त्री 2 चित्रपट याबाबतीत एक पाऊल पुढे आहे.
महत्त्वाच्या इतर बातम्या :