South Films On OTT:साऊथ इंडियन चित्रपट बघायला आवडतात? घरबसल्या ओटीटीवर पाहा जबरदस्त अॅक्शन असणारे 'हे' चित्रपट

South Films On OTT: तुम्हाला साऊथ इंडियन चित्रपट आवडत असतील तर तुम्ही जबरदस्त अॅक्शन असणारे चित्रपट घरबसल्या ओटीटीवर पाहू शकता.

South Films On OTT: गेल्या काही दिवसांपासून साऊथ इंडियन चित्रपटांची क्रेझ वाढली आहे.  पुष्पा,  KGF 2 आणि Ponniyin Selvan-1 या साऊथ चित्रपटांना प्रेक्षकांची पसंती मिळाली. जर तुम्हाला साऊथ इंडियन चित्रपट आवडत असतील तर तुम्ही जबरदस्त अॅक्शन असणारे चित्रपट घरबसल्या ओटीटीवर पाहू शकता. जाणून घेऊयात ओटीटीवरील साऊथ इंडियन चित्रपटांबद्दल...

पोन्नियिन सेल्वन-2  

पोन्नियिन सेल्वन-2 हा चित्रपट तुम्ही अॅमेझॉन प्राइम (Amazon Prime Video) या ओटीटी प्लॅटफॉर्मवर पाहू शकता.  या चित्रपटाचे दिग्दर्शन मणिरत्नम यांनी केलं असून ऐश्वर्या राय आणि चियान विक्रम यांनी या चित्रपटात प्रमुख भूमिका साकारली आहे. 

दसरा

तेलुगू चित्रपटसृष्टीतील प्रसिद्ध अभिनेता नानीच्या दसरा या चित्रपटानं बॉक्स ऑफिसवर धुमाकूळ घातला. या चित्रपटामधील अॅक्शन सिन्स आणि डायलॉग्सला प्रेक्षकांची पसंती मिळाली. या चित्रपटाचं दिग्दर्शन श्रीकांत ओडेला यांनी केलं आहे. हा चित्रपट तुम्ही नेटफ्लिक्स या ओटीटी प्लॅटफॉर्मवर पाहू शकता. 

शाकुंतलम

दाक्षिणात्य चित्रपटसृष्टीतील अभिनेत्री सामंथा रुथ प्रभूचा शाकुंतलम हा चित्रपट 14 एप्रिल 2023 रोजी प्रदर्शित झाला होता. या चित्रपटानं बॉक्स ऑफिसवर चांगली कमाई केली. हा चित्रपट आता प्रेक्षक अॅमेझॉन प्राइम (Amazon Prime Video) या ओटीटी प्लॅटफॉर्मवर  घरबसल्या पाहू शकतात. 

रावणासुर

रवी तेजाचा रावणासुर हा चित्रपट 7 एप्रिल 2023 मध्ये थिएटरमध्ये रिलीज झाला. या चित्रपटात एसीपी हनुमंत रावची गोष्ट दाखवण्यात आली आहे. हा चित्रपट तुम्ही अॅमेझॉन प्राइम या ओटीटी प्लॅटफॉर्मवर पाहू शकता.  

कब्जा

 प्रसिद्ध अभिनेता किच्चा सुदीपचा कब्जा या चित्रपटाला देखील प्रेक्षकांची पसंती मिळाली. या चित्रपटात मुरली शर्मा आणि श्रिया सरननं मुख्य मभूमिका साकारली आहे. हा चित्रपट तुम्ही अॅमेझॉन प्राइमवर पाहू शकता.

संंबंधित बातम्या