Shraddha Kapoor Inspiration : अभिनेत्री श्रद्धा कपूर सध्या स्त्री 2 चित्रपटाच्या यशामुळे प्रचंड चर्चेत आहे. स्त्री 2 चित्रपटामुळे श्रद्धा कपूरच्या प्रसिद्धीत आणखी वाढ झाली आहे. श्रद्धा कपूरचं सौंदर्य आणि अभिनयाचे जगभरात लाखो चाहते आहेत. खऱ्या आयुष्यातील तिचा प्रेमळ आणि निरागस स्वभाव प्रेक्षकांच्या मनात घर करुन गेला आहे. श्रद्धानं आपल्या अभिनय कौशल्यानं चाहत्यांच्या मनावर वेगळी छाप पाडली आहे. आता श्रद्धा कपूरने तिला कोणत्या अभिनेत्रीकडून प्रेरणा मिळते याबद्दल सांगितलं आहे.
'ही' अभिनेत्री आहे श्रद्धा कपूरची प्रेरणा
अभिनेत्री श्रद्धा कपूर (Shraddha Kapoor) स्त्री 2 (Stree 2 Movie) चित्रपटाच्या यशाचा आनंद घेत आहे. स्त्री 2 चित्रपट रिलीजच्या 35 दिवसांननंतरही बॉक्स ऑफिसवर कमाई करताना दिसत आहे. 15 ऑगस्टला प्रदर्शित झालेला हा चित्रपट आजही थिएटरमध्ये धमाका करताना दिसत आहे. श्रद्धा कपूरच्या स्त्री 2 चित्रपटानं अक्षय कुमार, जॉन अब्राहम आणि करिना कपूर यांच्या चित्रपटांनाही दमदार टक्कर देत त्यांचं मार्केट डाऊन केलं आहे. या चित्रपटातील तिचा अभिनय आणि सौंदर्य प्रेक्षकांच्या मनात घर करुन गेलं आहे.
फोटो शेअर करत म्हणाली...
सोशल मीडिया प्लॅटफॉर्म इंस्टाग्रावर फोटो शेअर करत श्रद्धा कपूरने कॅप्शनमध्ये लिहिलंय, 'श्री देवी जी, माझी प्रेरणा. प्रत्येक वेळी जेव्हा मी कपडे घालते, बोलते, चालते किंवा शूट करते तेव्हा मी त्या प्रत्येक काममध्ये तुमचा विचार करतो. हे , तुमच्यासाठी ❤️.'
श्रद्धा कपूरचं लेटेस्ट फोटोशूट
श्रद्धा कपूरने तिच्या इन्स्टाग्रामवर काही फोटो शेअर केले आहेत. श्रद्धाने फेमिनासाठी केलेल्या लेटेस्ट फोटोशूटमधील काही फोटो चाहत्यांसोबत शेअर केले आहेत. या फोटोमध्ये श्रद्धा चार वेगवेगळ्या आउटफिट्समध्ये पोज देताना दिसत आहे. पहिल्या फोटो तिने सोनेरी रंगाचा ब्लाउज आणि पांढरा हाय थाय स्लिट स्कर्ट घातलेला दिसत आहे. दुसऱ्या फोटोमध्ये श्रद्धा पांढऱ्या ऑफ-शोल्डर आउटफिटमध्ये पोज देताना दिसत आहे. तिसऱ्या फोटोमध्ये व्हाईट शिमरी साडी आणि चौथ्या फोटोमध्ये व्हाइट ब्रालेट आणि नेटची केप असा तिचा सुंदर लूक आहे.
महत्त्वाच्या इतर बातम्या :