या जगभरातील चाहत्यांनी दिलेल्या मतांच्या आधारावर दरवर्षी ही यादी जाहीर केली जाते.
'उडता पंजाब' सिनेमात आपल्या दमदार अभिनयासाठी पुरस्कार पटकावणाऱ्या 36 वर्षी शाहिदने, या पोलमध्ये बॉलिवूड अभिनेता हृतिक रोशन आणि ब्रिटीश-पाकिस्तानी गायक जायन मलिकला मागे टाकलं आहे.
या पोलमध्ये हृतिक रोशन सलग तीन वर्ष दुसऱ्या स्थानावर आहे. तर मागील वर्षाचा विजेता जायनची यंदा मात्र तिसऱ्या स्थानावर घसरण झाली आहे.
https://twitter.com/EasternEye/status/940935863344779264
शाहिद कपूरची प्रतिक्रिया
"मला मत देणाऱ्या सगळ्यांचे मी आभार मानतो. सर्वात सेक्सी आशियायी पुरुष हा टॅग मिळणं हा माझा सन्मान असल्याचं मी मानतो, अशी प्रतिक्रिया शाहिद कपूरने 'ईस्टर्न आय'ला दिली."
https://twitter.com/shahidkapoor/status/940940209029513216
"सेक्सीचा अर्थ केवळ शारीरिकदृष्ट्या नाही तर हे आयुष्याच्या मानसिक पैलुंशीही संबंधित आहे. तुमच्या प्रेम आणि समर्थनामुळेच हे शक्य झालं," असंही शाहिद म्हणाला.
दरम्यान, वादामुळे शाहिद कपूरचा 'पद्मावती' सिनेमा अद्याप प्रदर्शित झालेला नाही.
प्रियांका चोप्रा 'सर्वात सेक्सी आशियायी महिला 2017'
काही दिवसांपूर्वीच 'ईस्टर्न आय'ने यंदाच्या 'सर्वात सेक्सी आशियायी महिला'चा पोलही घेतला होता. या पोलमध्ये दीपिका पादूकोणला मागे टाकत प्रियांका चोप्राने अव्वल स्थान पटकावलं होतं.