Shah Rukh Khan : बॉलिवूडचा बादशाह शाहरुख खानप्रमाणे (Shah Rukh Khan) त्याचा लेक अबरामदेखील (Abram Khan) नेहमीच चर्चेत असतो. अबरामचा एक व्हिडीओ सोशल मीडियावर व्हायरल होत आहे. या व्हिडीओमध्ये तो शाहरुख खानप्रमाणे (Shah Rukh Khan) आयकॉनिक पोज देताना दिसत आहे. अबरामने अगदी वडिलांच्या पावलावर पाऊल ठेवलंआहे. त्याला आयकॉनिक पोज देताना पाहून किंग खानही हैराण झाला आहे.
अबरामच्या अभिनयाने जिंकली प्रेक्षकांची मने
धीरुभाई अंबानी आंतरराष्ट्रीय शाळेचं स्नेहसंमेलन नुकतच मुंबईत पार पडलं. या स्नेहसंमेलनात आराध्या बच्चन, तैमूरसह अनेक स्टार किड्स सहभागी झाले होते. दरम्यान अबराम खानदेखील एका नाटकात सहभागी झालेला दिसून आला. अबरामच्या अभिनयाने प्रेक्षकांची मने जिंकली. इंग्रजी भाषेत संवादफेक करत अबरामने उपस्थितांचं लक्ष वेधून घेतलं. काहींनी अबरामच्या अभिनयाचं तर काहींनी त्याच्या क्यूटनेसचं कौतुक केलं.
अबरामने किंग खानलाही केलं हैराण
अबरामच्या स्नेहसंमेलनाला शाहरुख खानने कुटुंबियांसोबत हजेरी लावली होती. त्यावेळी गौरी खान, सुहाना खान आणि सुनीता छिब्बर सहभागी होते. लेकाच्या दमदार अभिनयाची झलक पाहून किंग खानही हैराण झाला. प्रेक्षकांप्रमाणे शाहरुखही टाळ्या आणि शिट्ट्या वाजवत लेकाचं कौतुक करताना दिसून आला. सुहाना खाननंतर आता अबरामला रुपेरी पडद्यावर पाहण्यासाठी चाहते उत्सुक आहेत.
अबरामने केली शाहरुखची आयकॉनिक पोज
नाटक संपल्यानंतर अबराम खान वडिलांची नक्कल करताना दिसून आला. छोट्या अबरामला पाहिल्यानंतर प्रेक्षकांना 'DDLJ' सिनेमातील शाहरुख खानची आठवण झाली. शाहरुखसारखी आयकॉनिक पोज देत अबराम म्हणाला,"मला मिठी मारा.. मला मिठी मारायला आवडते". लेकाचा अभिनय पाहून शाहरुखलादेखील वेड लागलं. अबरामचा हा व्हिडीओ सध्या सोशल मीडियावर व्हायरल होत आहे. व्हिडीओ व्हायरल झाल्यानंतर अबराममध्ये चाहत्यांना किंग खानची झलक पाहायला मिळत आहे.
अंबानी शाळेतील स्नेहसंमेलनाला सेलिब्रिटींची मांदियाळी
अंबानी शाळेतील स्नेहसंमेलनाला अनेक सेलिब्रिटींनी हजेरी लावली होती. ऐश्वर्या राय बच्चन, अभिषेक बच्चन, अगस्त्य नंदा, अमिताभ बच्चन, करीना कपूर, शाहिद कपूर आणि करण जोहरसह अनेक सेलिब्रिटी सहभागी झाले होते.
संबंधित बातम्या