Shah Rukh Khan At Airport: बॉलिवूडचा बादशाह शाहरुख खान (Shah Rukh Khan) हा सध्या राजकुमार हिरानीच्या डंकीच्या शूटिंगमध्ये व्यस्त होता. शाहरुख, तापसी पन्नू (Taapsee Pannu) आणि या चित्रपटातील इतर कलाकार हे डंकी चित्रपटाच्या शूटिंगसाठी काश्मीरला गेले होते. चित्रपटाच्या शूटिंगचा काही भाग पूर्ण करुन आता डंकी चित्रपटाची टीम मुंबईत आली आहे. शाहरुख हा नुकताच मुंबई विमानतळावर स्पॉट झाला. यावेळी शाहरुखसोबत सेल्फी काढण्यासाठी चाहत्यांनी गर्दी केली. मुंबई एअरपोर्टवरील शाहरुखचे फोटो आणि व्हिडीओ व्हायरल झाले आहेत.
शाहरुखचा व्हिडीओ व्हायरल
मुंबई एअरपोर्टवर शाहरुख ऑल ब्लॅक लूकमध्ये दिसला. मुंबई एअरपोर्टवरील एक व्हिडीओ सध्या सोशल मीडियावर व्हायरल झाला आहे. या व्हिडीओमध्ये शाहरुखसोबत सेल्फी काढण्यासाठी लोकांनी केलेली गर्दी दिसत आहे. व्हायरल व्हिडीओमध्ये दिसत आहे की, सेल्फी काढायला आलेल्या एका व्यक्तीच्या हाताला शाहरुख हा धक्का देतो. त्या व्यक्तीला नंतर बॉडीगार्ड्स ढकलतात. व्हायरल व्हिडीओमधील शाहरुखचं हे वर्तन पाहून नेटकरी भडकले आहेत.
नेटकरी शाहरुखवर भडकले
एअरपोर्टवरील शाहरुखच्या व्हायरल व्हिडीओला एका नेटकऱ्यानं कमेंट केली, 'उगाच अॅटिट्युड दाखवत आहे.' तर दुसऱ्या युझरनं कमेंट केली, अजून यांचे चित्रपट हिट करा, 'अजून यांना भाव द्या'
पाहा व्हिडीओ:
शाहरुखचे आगामी चित्रपट
शाहरुख लवकरच जवान आणि डंकी या चित्रपटांमधून प्रेक्षकांच्या भेटीस येणार आहे. त्याच्या आगामी चित्रपटांची प्रेक्षक उत्सुकतेने वाट बघत आहेत. काही महिन्यांपूर्वी शाहरुखचा पठाण हा चित्रपट प्रेक्षकांच्या भेटीस आला. या चित्रपटानं बॉक्स ऑफिसवर धुमाकूळ घातला. पठाण या चित्रपटानं बॉक्स ऑफिसवर कोट्यवधींची कमाई केली. या चित्रपटात शाहरुखसोबतच, दीपिका पादुकोण (Deepika Padukone) आणि जॉन अब्राहम (John Abraham) यांच्यासोबतच डिंपल कपाडिया आणि आशुतोष राणा यांनी देखील प्रमुख भूमिका साकारली. आता डंकी या चित्रपटामध्ये शाहरुखसोबत अभिनेत्री तापसी पन्नू देखील महत्वाची भूमिका साकारणार आहे. डंकी चित्रपटात शाहरुख आणि तापसी यांची जोडी पाहण्यासाठी प्रेक्षक उत्सुक आहेत.
महत्त्वाच्या इतर बातम्या :