Shah Rukh Khan-Navpreet Kaur: बॉलिवूडमधील प्रसिद्ध अभिनेता शाहरुख खान (Shah Rukh Khan) हा त्याच्या चित्रपटांबरोबरच त्याच्या वैयक्तिक आयुष्यामुळे देखील चर्चेत असतो. शाहरुखच्या मन्नत या घरामधील पार्टीचे किस्से अनेक सेलिब्रिटी विविध मुलाखतींमध्ये शेअर करत असतात. शाहरुख हा घरी आलेल्या पाहुण्यांचा पाहुणचार कसा करतो? हे अनेक सेलिब्रिटींनी मुलाखतीमध्ये सांगितलं आहे. नुकतीच मॉडेल नवप्रीत कौरनं (Navpreet Kaur) एक खास पोस्ट सोशल मीडियावर शेअर केली आहे. काही दिवसांपूर्वी शाहरुखनं त्याच्या घरी नवप्रीतला जेवणासाठी आमंत्रित केलं होतं. शाहरुखच्या घरी जेवणासाठी गेलेल्या नवप्रीतनं सोशल मीडियावर पोस्ट शेअर करुन मन्नतमध्ये शाहरुख खाननं तिचा पाहुणचार कसा केला? याबद्दल सांगितलं.
नवप्रीतनं तिचा आणि शाहरुखचा एक फोटो सोशल मीडियावर शेअर केला. या फोटोला तिनं कॅप्शन दिलं, 'मी स्वतःला वचन दिले आहे की मी हे फोटो पोस्ट करणार नाही, परंतु माझ्या मन्नतमधील या आठवणी खूप मौल्यवान आहे,त्यामुळे मी हे फोटो शेअर केले. किंग खाननं माझ्यासाठी पिझ्झा बनवला. तो व्हेज होता. कारण मी फक्त व्हेज खाते. मी शाहरुखच्या घरी असताना, मला वाटत होते की, मी स्वप्न पाहत आहे आणि लवकरच कोणीतरी मला जागे करणार आहे. मी शांत राहण्याचा प्रयत्न केला. मला त्याच्यासमोर घाबरायचे नव्हते. त्याच्यासोबत डायनिंग टेबलवर बसल्यानंतर मी खूप एक्सायटेड झाले. त्याचे कुटुंब आणि पूजा गप्पा मारत असताना. मी वॉशरूमला गेले. वॉशरुमला जाण्यासाठी मी उठले तेव्हा तो त्याच्या खुर्चीवरून उठला आणि मला वॉशरूमच्या दारापर्यंत घेऊन गेला.'
पुढे पोस्टमध्ये नवप्रीतनं लिहिलं, त्याक्षणी मी खूप एक्सायटेड झाले. पिझ्झाच्या एका स्लाइसने माझे पोट भरले. कारण माझे पोट माझी एक्सायटमेंट पचविण्यात व्यस्त होते. गौरी खूप छान आहे. अबराम माझा बेस्ट फ्रेंड आहे. आर्यन छान आहे. सुहाना देखील तिथे होती. शाहरुख खान मला घराबाहेर कॅबपर्यंत सोडायला आला. त्याला पाहिल्यानंतर कॅब चालकाने सेल्फी काढण्याची संधी सोडली नाही. हा अनुभन खरोखरच अप्रतिम होता. ' नवप्रीतनं शेअर केलेल्या या पोस्टनं अनेकांचे लक्ष वेधले.
महत्त्वाच्या इतर बातम्या :
Eid 2023 : ईद मुबारक! शाहरुखनं मन्नतच्या बाल्कनीत येऊन चाहत्यांना दिल्या ईदच्या शुभेच्छा