Shah Rukh Khan : बॉलिवूडचा बादशाह शाहरुख खान (Shah Rukh Khan) नेहमीच कोणत्या ना कोणत्या कारणाने चर्चेत असतो. शाहरुखला 'किंग ऑफ रोमान्स' असं म्हटलं जातं. शाहरुखने 2023 हे वर्ष चांगलच गाजवलं. एकाच वर्षात त्याचे 'पठाण' (Pathaan), 'जवान' (Jawan) आणि 'डंकी' (Dunki) हे चित्रपट प्रदर्शित झाले. आता 2024 मध्ये धमाका करण्यासाठी तो सज्ज आहे. किंग खानने (King Khan) आपल्या करिअरमध्ये अनेक रोमाँटिक चित्रपटांमध्ये काम केलं आहे. पण एका चित्रपटात शाहरुख खानने एक इंटिमेन सीन दिला आहे. हा इंटिमेट सीन शाहरुख खानचा आतापर्यंतचा सर्वात मोठा बोल्ड सीन आहे. पण शाहरुखच्या एका कृतीमुळे चाहत्यांपर्यंत हा सीन पोहोचू शकला नाही.
'त्या' सीनमध्ये काय होतं?
शाहरुख खानने 'माया मेमसाब' या चित्रपटात भयानक बोल्ड सीन दिला आहे. 1993 मध्ये हा चित्रपट रिलीज झाला होता. 'माया मेमसाब' या चित्रपटात शाहरुख खानसोबत दीपा साहीदेखील स्क्रीन शेअर करताना दिसली होती. चित्रपटात शाहरुख आणि दीपाचा एक इंटिमेट सीन आहे. शाहरुखचा आतापर्यंतचा हा सर्वात भयानक बोल्ड सीन आहे. बोल्ड सीनमुळे चित्रपट वादाच्या भोवऱ्यात अडकला. बॉक्स ऑफिसवर जादू दाखवण्यात हा चित्रपट कमी पडला.
चित्रपटाबाबत शाहरुखचा मोठा निर्णय
शाहरुख खान आता स्टार झाल्यानंतर त्याने या चित्रपटाबाबत एक निर्णय घेतला आहे. शाहरुखने आपल्या रेड चिलीज एंटरटेनमेंटच्या बॅनरअंतर्गत या चित्रपटाचे सर्व राइट्स विकत घेतले आहेत. त्यामुळे शाहरुखच्या मर्जी व्यतिरिक्त हा चित्रपट कोणीही कुठेही दाखवू शकत नाही.
काही दिवसांपूर्वी दीपा शाहीने 'माया मेमसाब' चित्रपटाबद्दलचा आपला अनुभव शेअर केला होता. दीपा शाही म्हणाली होती,"शाहरुखसोबत इंटिमेट सीन करताना मला विचित्र वाटत होतं. पण हा कामाचा भाग असल्याने करावा लागेल, असं समजून मी केला".
शाहरुख खानचे आगामी चित्रपट कोणते? (Shah Rukh Khan Upcoming Movies)
शाहरुख खानने सरतं वर्ष चांगलच गाजवलं. आता त्याच्या आगामी चित्रपटांची चाहत्यांना उत्सुकता आहे. शाहरुखच्या आगामी चित्रपटांमध्ये 'पठाण 2','जवान 2' या चित्रपटांचा समावेश आहे. तसेच लाडकी लेक सुहाना खानच्या अनटाइटल्ड चित्रपटातही ती झळकणार आहे. सलमान खानसोबत तो 'टायगर वर्सेस पठाण' या चित्रपटात झळकणार आहे. 'किंग' चित्रपटातही तो झळकणार आहे. शाहरुख खानच्या आगामी चित्रफटांची चाहते आता आतुरतेने वाट पाहत आहेत.
संबंधित बातम्या