New Release On OTT: वीकेंडला ओटीटीवरील (OTT) चित्रपट आणि वेब सीरिज (Web Series) अनेक लोक बिंच वॉच करतात. ओटीटी प्लॅटफॉर्मवर अनेक वेब सीरिज रिलीज होत असतात. यंदाचा आठवडा हा ओटीटी युझर्ससाठी खास असणार आहे. कारण या आठवड्यात हंसल मेहता यांनी दिग्दर्शित केलेल्या 'स्कूप'पासून ते अर्शद वारसी स्टारर 'असुर सीझन 2' पर्यंत अनेक वेबसिरीज प्रदर्शित होणार आहेत. या नवीन वेब सीरिजमधून प्रेक्षकांना मनोरंजनाची उत्तम मेजवानी मिळणार आहे. जाणून घेऊयात या आठवड्यात रिलीज होणाऱ्या वेब सीरिजबद्दल...
'स्कूप (Scoop)'
प्रसिद्ध दिग्दर्शक हंसल मेहता यांनी 'स्कूप (Scoop)' या वेबसीरिजचे दिग्दर्शन केले आहे. या सीरिजमध्ये प्रेक्षकांना ड्रामा, सस्पेन्स बघायला मिळणार आहे. यासोबतच हरमन बावेजाही या वेबसीरिजच्या माध्यमातून बऱ्याच दिवसांनी काम करताना दिसणार आहे. ही वेब सीरिज 2 जून रोजी नेटफ्लिक्सवर प्रदर्शित केले जाईल. करिश्मा तन्ना ही या वेब सीरिजमध्ये प्रमुख भूमिका साकारणार आहे.
'स्कूल ऑफ लाइस (School Of Lies)'
'स्कूल ऑफ लाइस (School Of Lies)' ही वेबसिरीज 2 जून रोजी Disney + Hotstar या ओटीटी प्लॅटफॉर्मवर प्रदर्शित होणार आहे. अविनाश अरुण दिग्दर्शित या सीरिजमध्ये प्रेक्षकांना एका हरवलेल्या मुलाचा शोध घेण्याची कथा दाखवण्यात येणार आहे. या वेब सीरिजची प्रेक्षक आतुरतेने वाट पाहत आहेत.
'असुर सीजन 2 (Asur Season 2)'
असुर या वेब सिरीजचा पहिला सीझन प्रेक्षकांना खूप आवडला होता. प्रेक्षक या वेब सीरिजच्या दुसऱ्या सीजनची उत्सुकतेने वाट पाहत होते. आता या सीरिजचा दुसरा सीझन 1 जून रोजी जिओ सिनेमावर प्रदर्शित होणार आहे. या मालिकेचे दिग्दर्शन ओनी सेन यांनी केले आहे.
तसेच 'हत्यापुरी (Hatyapuri)' हा चित्रपट देखील या आठवड्यात रिलीज होणार आहे. हा चित्रपट 2 जून रोजी झी-5 वर रिलीज होणार आहे.
इतर महत्वाच्या बातम्या:
'कटहल' ते 'द मदर'; नेटफ्लिक्सवर मनोरंजनाची मेजवानी, घरबसल्या पाहा हे ट्रेंडिंग चित्रपट