Satyaprem Ki Katha Twitter Review: बॉलिवूडमधील प्रसिद्ध अभिनेता कार्तिक आर्यन (Kartik Aaryan) आणि अभिनेत्री कियारा अडवाणी (Kiara Advani) यांचा 'सत्यप्रेम की कथा' (Satyaprem Ki Katha) हा चित्रपट आज (29 जून) चित्रपटगृहांमध्ये प्रदर्शित झाला आहे. अनेक नेटकऱ्यांनी या चित्रपटाचा रिव्ह्यू सोशल मीडियावर शेअर केला आहे. 'सत्यप्रेम की कथा' हा चित्रपट नेटकऱ्यांनी कसा वाटला? याबद्दल जाणून घेऊयात...
'सत्यप्रेम की कथा' या चित्रपटाचं सोशल मीडियावर अनेक जण कौतुक करत आहेत. अनेक नेटकऱ्यांनी ट्विटरवर या चित्रपटाचा रिव्ह्यू शेअर केला आहे. काही लोक ट्विटरवर ट्वीट करुन या चित्रपटाला ब्लॉकबस्टर म्हणत आहेत.
एका नेटकऱ्यानं 'सत्यप्रेम की कथा' या चित्रपटाबद्दल ट्विटरवर ट्वीट केलं, 'सत्यप्रेम की कथा या चित्रपटात काही गंभीर विषयांवर चर्चा करण्यात आली आहे. हा चित्रपट नक्कीच ब्लॉकबस्टर ठरेल.' तर दुसऱ्या नेटकऱ्यानं ट्वीटमध्ये लिहिलं, 'सत्यप्रेम की कथा हा चित्रपट बघत आहे, थिएटरमध्ये केवळ चार लोकं आहेत, पण चित्रपट खूप चांगला आहे. येणाऱ्या काही दिवसात हा चित्रपट प्रेक्षकांची मनं जिंकेल.'
'सत्यप्रेम की कथा' चित्रपटाची स्टार कास्ट
'सत्यप्रेम की कथा' या चित्रपटामध्ये कियारा अडवाणी आणि कार्तिक आर्यन यांच्यासोबत गजराज राव, सुप्रिया पाठक आणि शिखा तलसानिया या कलाकारांनी देखील प्रमुख भूमिका साकारली आहे. समीर विद्वांस या मराठमोळ्या दिग्दर्शकानं या चित्रपटाचं दिग्दर्शन केलं आहे. भूल भुलैया-2 या चित्रपटानंतर आता कार्तिक आणि कियारा यांची जोडी 'सत्यप्रेम की कथा' या चित्रपटात प्रेक्षकांना बघायला मिळत आहे.
संबंधित बातम्या